黄德斌被围观市民大叫KK　预先答应做MIRROR演唱会嘉宾：骚肌除衫

黄德斌今日（1日）以一身西装造型现身APM商场出席运动揭幕礼，并为现场市民派发气球及现金礼券，获不少围观市民大呼他在《大叔的爱》剧中的角色名称“KK”，令德斌笑到见牙唔见眼：“好多人见到我都会掩住个嘴笑咗先 ，系一件好开心嘅事，因为我拍喜剧真系令到佢哋开心，对我嚟讲都几有意义！”

德斌坦言遇过非常热情的年轻粉丝在自己面前表演跳“大叔舞”，因此激发起自己想习舞的意欲：“其实好早就已经想学，对演员嚟讲反应同节奏感都有好大嘅帮助，睇下迟啲有冇机会学。”被问到假如MIRROR成员邀请他去演唱会做嘉宾表演跳舞会否接受，德斌表示放马过嚟：“佢哋咁大胆要我跳舞，我梗系OK啦！你即管话佢哋听，要我跳只咩舞，但系要劲嘅，唔劲唔跳！（如果要骚肌除衫呢？）骚肌除衫啊？睇到时畀咩时间我啦，一年半载时间我得嘅！”

东京奥运赛事现正进行得如火如荼，代表港队出战男子花剑团体赛事的前TVB童星吴诺弘，今早凭著极佳表现帮港队赢得不少分数而获得大批网民的赞赏。黄德斌坦言非常欣赏这位年轻小子：“我认得佢，佢我真系唔记得有冇同佢合作过（拍剧）。我好多谢佢嘅努力，运动员真系需要好大嘅付出、要流好多汗水，自己都要一个好好嘅信念先至可以继续，所以佢哋每位运动员都做得好好，好值得尊重。”

相关阅读：东京奥运｜童星吴诺弘花剑表现亮眼　狂追落后成抢分王拉近差距