刑侦日记│结局隐藏三个精心布局 王浩信第四人格系关键

《刑侦日记》虽然收视不似预期，但这套剧集绝对是TVB自《天与地》之后，最破格的剧集，叙事方式有别于以往TVB剧集，悬念非常重的剧集，当中以大结局最后一幕戏，相当会令观众充满问号，韦睿杰(袁伟豪饰)那只纸飞机，入面写了“我知你讲紧大话”，然后看着杨碧芯(惠英红饰)露出奸狡的笑容，之后全剧完，究竟在那个韦睿杰会觉得杨碧芯讲大话，是否需要翻看才找到破绽?

所有迷团要在二季度揭晓

《香港01》特别找来监制关树明、编审朱镜祺、刘小群解说大结局的疑团，原来与《刑侦日记》二季度有关系，编审朱镜祺说：“我哋套剧有好多“反转”位，(意思是令人意想不到的情节)，我哋设计剧本前有个想法，《刑侦日记》系一个季度性嘅剧集，系想下一季先令观众全面了解个故仔，但呢套剧有个中心思想，就系精神病可以医好嘅，大家见到韦睿杰(袁伟豪饰)飞俾杨碧芯(惠英红饰)只纸飞机，写住“我知你讲紧大话”，唔系话杨碧芯有精神病，其实佢真系医好咗，呢个其实系成套剧环环相扣嘅铺排，大家会见到王浩信嘅角色有第四个人格衍生(Micheal)，呢个人格近似叶劲峰父亲的形象，但大家会发现阿Matt(王浩信分裂出来的第三人格)真系好挂住佢老豆，Micheal系成套剧嘅关键，我哋呢套剧本身系有两季嘅谂法，一季度不断讲刑侦之父系点?但黑哥一直冇出场，直到第十二集尾，佢先出场，而Micheal我哋亦想有类似铺排，佢同杨碧芯系咩关系?点解杨碧芯会肯跟佢由马来西亚再嚟香港呢?点解同Micheal有关系嘅女人又唔见咗呢?就系由韦睿杰留俾杨碧芯呢句说话带起下季成个故仔，下季(意指《刑侦日记》二季度)就系家庭重遇嘅故仔，Micheal喺下季先会正正式式交待返成个家庭故事，而阿Mat同父亲牵涉咗咩事，点解阿Matt咁需要佢老豆，所有嘢都同呢个大话有关系，其实我哋系有谂法同铺排，谂住用一季去讲呢个家庭，交待最完整嘅故事。”

韦睿杰的逃狱安排

监制关树明亦为韦睿杰(袁伟豪饰)在结局中最后出现，有一个说法: “韦睿杰(袁伟豪饰)最后系巧合地见到杨碧芯(惠英红饰)，然后飞只纸飞机过去，其实佢一直就系想逃狱，佢要做啲嘢引发出每一个逃走机会，呢只纸飞机入面𠮶句“我知道你讲紧大话”就系用嚟利用杨碧芯为佢制造逃狱机会，咁呢个我哋其实系下一季有个安排。”编审朱镜祺:“其实韦睿杰(袁伟豪饰)呢个角色有好多面，今季系未发挥得，佢想利用杨碧芯，所以利用呢只纸飞机作为一个起点，去铺排佢最大嘅计划，我哋系想佢呢个最大计划系再庞大啲。”

Dr.Cheung与梁日思断脚之迷有关?

除了韦睿杰(袁伟豪饰)、杨碧芯(惠英红饰)令观众烧脑，连诗雅饰演的Dr.Cheung，最后烧了一张职员证及一张相片，原来会同梁日思(陈炜饰)、聂山(姜晧文饰)有关，编审刘小群：“大家会见到最近连诗雅烧咗张相，相入面除咗佢仲有温裕虹，但其实入面仲有其他人不过就咁啱烧咗，呢个系我哋有一个铺排，另外佢仲烧咗张职员证，其实系一间药厂顾问嘅职员证，但梁日思(陈炜饰)单案未直正破到，聂山到呢件案仲有疑问，咁就同连诗雅好大关联，但将会喺三季度(《刑侦日记》二季度)先交代。”

连诗雅系关键人物

编审朱镜祺续说:“连诗雅饰演嘅Dr Cheung有好多发展，今次解释咗部份脚骨，但梁日思(陈炜饰)嘅脚骨系点呢?就牵涉埋梁日思(陈炜饰)同聂山(姜晧文饰)呢段感情可能仲有新发展，我哋就想由连诗雅开始作为一个延伸，我哋系有一啲谂法嘅，同埋我哋想突破港剧去查一单案或者介绍一单案嘅方法，以前就系三、四集，就有啲抽丝剥茧，揾到疑凶A、B，跟住唔系，原来C先系，跟住C就系问案室入面讲哂件事出嚟，我哋想点样去创新啲讲故事，或者点令个故事更有追看性同思考性呢?