姊妹淘｜吴若希假破冰真互数　蔡嘉欣喊住闹︰你真系好贱格！

因为蔡嘉欣一句︰“真系以为自己系（《姊妹淘》）一姐呀”，吴若希（Jinny）与她的不和即使传遍整个网络，网民亦议论纷纷。为回应“不和传闻”，Jinny特意邀请蔡嘉欣亮相自己的YouTube频道做嘉宾，以“吴若希蔡嘉欣不和再度升级？破冰不成反互串！”为标题继续炒热“不和传闻”，期间蔡嘉欣更一度泪洒当场！

片段中吴若希与蔡嘉欣澄清并无不和，Jinny笑言：“如果我哋两个真系唔啱嘅话，你（蔡嘉欣）唔会喺我嘅YouTube Channel出现啰，佢唔值得喺度呀”，虽然二人的“不和”并非真实，但原来二人的“姊妹关系”亦建基于互嘲互数互揭秘密！Jinny提到她对蔡嘉欣的第一印象就是《香港小姐》，她对蔡嘉欣的评价是：“又唔系话特别有才华，笑得OK啦，靓啰。”听毕后，蔡嘉欣又即时似赞若讽的反击：“吴若希呢，系人未到，声先到，未见到佢，但老远就会听到佢把声，因为佢真系好大声！同埋你畀我嘅第一印象都几霸气，讲嘢又好少尾音，同你唔熟嘅人，你唔会做返啲假面具。”

之后Jinny继续爆料，揭蔡嘉欣曾在自己面前激动落泪呻娱乐圈辛酸，笑言：“佢系𠮶种喺出面就好似女强人，好坚强，返到背后就喊住话：‘我觉得自己真系好委屈呀，我唔知可以点讲，呜呜”，说著，蔡嘉欣不禁泪晒当场：“你真系好贱格啰！一啲怜悯之心都冇，人哋喊嘅时候就系咁，笑到劲大声，真系好贱呀！”

点击以下图辑睇吴若希点整喊蔡嘉欣：

不过蔡嘉欣亦不甘示弱：“我不满吴若希嘅一个点系，佢讲嘢劲大声，成日笑人垃圾，其实自己一样咁垃圾！得把声，得个壳，但其实入面系垃圾啰！”继而再揭吴若希对老公经常双重标准，重提吴若希控诉老公打机课金，但原来Jinny自己都曾经玩手机游戏狠课$4000！但当吴若希认衰之后，蔡嘉欣继续乘胜追击，狠批Jinny亳无大志：“睇新闻你会以为佢对事业好有斗心，要憧憬争做一姐，但佢真人令我好失望，畀返少少争做一姐嘅格出嚟，力争上游嘅决心得唔得？冇啰！劲Hea！呀唔系，系Relax，佢个节奏，Chill！”搞到吴若希劲尴尬！

新闻回顾：《姊妹淘》主持不和实录　蔡嘉欣明串吴若希：你以为自己系一姐？

点击睇吴若希蔡嘉欣唇枪舌剑：