欧阳震华俾《刑侦日记》收视吓窒　叹观众口味有异：真系会睇唔明

欧阳震华今日（18/07）出席美容公司开幕活动，接受《香港01》访问，他就谈及自己的近况，表示已了疫苗针，正在等候香港与中国内地通关。他说：“而家已经密锣紧鼓，储紧可以返去一次过做多啲（工作）。”也说大多数都会以参演内地的“网大”（网络大电影）为主：“同电影冇乜分别，而家趋势都系网大，因为投资冇乜大，回报有预计唔到。”同时他也可以“密密食”拍多几套。

《刑侦日记》现正播出，不过收视就约只有15.5点，欧阳震华闻言即说：“吓？唔系嘛？”会否回TVB拍一两套剧救亡？他笑说：“使乜我返去救呀，佢哋自己救咗先啦，哈哈哈。”但其实欧阳震华也是《刑侦日记》的观众，还表示这套剧相当精彩，值得一看：“王浩信做得好嘅，我都有睇，但系呢套剧唔系咁家庭观众要𠮶种，你睇有惠英红、王浩信、黑仔（姜皓文），黎诺懿（阵容咁好），剧情我都觉得OK，但系呢套剧唔可以当《爱回家》咁嘅心态睇，一定要一边睇，一边听对白，一边留意佢哋啲戏，所以屋企煮紧饭或者食紧饭睇真系会睇唔明。”表示观众口味会有不同，有些人喜欢如《宝宝大过天》一般简单直接的剧情，也会有些人喜欢《刑侦日记》这种复杂的剧集，各人有各人所好，所以收视都会有不同。