全民造星IV︱许廷铿梁祖尧做导师用辣招针对是非精：唔当你系女人
ViuTV王牌选秀节目《全民造星IV》今年选拔全能女团，公开招募起反应热烈，据悉已收近四千份报名表，周五（16日）举行即场报名造势，吸引逾800女生到场轮候。今届担任导师的梁祖尧与许廷铿（Alfred）一同接受访问时笑指感觉“上了贼船”，阿祖解释：“原本Sell我哋嘅时候系话两个合作，谂表演项目可以交畀我、拣歌可以交畀Alfred，而家分开做两组导师就死得！”Alfred续言：“咁就出事喇，我叻嘅就我叻，你叻嘅就你叻，咁点算？我谂会系两个好唔同嘅组别。”
梁祖尧自言对参赛者相当严厉：“我寻日已经去到拍台，如果你唔尊重你自己、呢个场合，我亦都唔会尊重你；我唔会留手，等咗呢啲机会好耐，我狠狠地对待你先系对你好。”Alfred亦自言比想像中严谨：“我本身都以为自己系一个比较腍善嘅人，原来呢个场地有个魔力，呢个场地系需要尊重，所以我都比预期中火大；有参赛者嚟到准备得好专业，点解你觉得可以嚟玩下，嬉皮笑脸就唔得，我真系忍唔到！”
自从《造星IV》开宗明义选女团起，观众的讨论就离不开女生之间会有很多八卦及争斗，担心节目会出现宫斗戏情节，阿祖与Alfred就异口同声表示一早有共识，第一日就会约法三章：“如果你哋想得到性别平等嘅待遇，我哋都唔打算当你做女人，如果有任何古怪怪嘅Gossip嘢，就即时淘汰！”Alfred笑着撂下狠话：“就算机制唔淘汰你，你咪继续玩，睇下之后嘅待遇会系点。”又不忘以历史为证：“任何团体成功与否最Work嘅时候就系最团结嘅时候，就唔好搞啲小圈子、小把戏。”
全民造星IV︱花姐讲明会加《延禧》剧情 戴颖接捧做女团经理人
全民造星IV︱KOL强势参战搏入女团 193亲生妹郭嘉盈玩埋一份！
不过阿祖亦提到《造星》是选秀节目的同时也是一个真人骚，所以Gossip事实在无可避免：“见到啲是非精一入嚟就feel到，我哋就即刻话唔要，然后花姐（黄慧君）同宝姐就即刻话：‘正啊呢啲！好睇呀！’”Alfred笑言：“我守卫紧我哋美好嘅乌托邦，但系愈缩愈细。”