专访︱Anson Lo心里有个“教主”但唔系Edan：佢会帮我煮宵夜！
“我都想屋企有个阿牧”，大概每一位有看港版《大叔的爱》的观众都有同感。阿牧的温柔，对阿田无微不至的照顾、无私的爱与付出，近乎完美的人设俘虏万千观众心之余，亦令卢瀚霆（Anson Lo）人气爆升。阿牧与阿田的感情更延续到Anson Lo的新歌《不可爱教主》，这亦是剧集的片尾曲。“不可．爱教主”与“不可爱．教主”对阿牧甚至Anson Lo来说都有不同的解读，就由“教主”亲自分享这种很爱而不能爱的无奈，而他身边亦有一位“教主”陪他走过高山低谷。
撰文：陈芷颖
摄影、短片：叶志明
剪接：陈芷颖
任何你很喜欢的人就是你的教主
《不可爱教主》有两种解读，两种都表达出很爱却不能爱的无奈和心痛，就如剧中阿牧与阿田的感情一样，Anson说任何你很喜欢的人，他就是你的教主：“‘不可．爱教主’系当你好钟意一个人，而你又知道佢未必好钟意你，你都选择好珍惜佢、陪喺佢身边守护佢，无私嘅爱就为‘不可．爱教主’，任何你好钟意嘅人，佢就系你嘅教主。‘不可爱．教主’系当你好钟意佢，但佢又唔钟意你，而你失望甚至绝望时去说服自己，个教主唔可爱、无嘢值得你去爱，系一种好绝望嘅心情。”
大概每个人都尝试过暗恋的滋味，Anson也不例外，现时他心目中亦有一位“教主”，她就是Anson的妈妈“教母”：“尤其是呢一年，佢为我付出嘅时间愈嚟愈多，佢会夜晚起身同我倾偈，甚至会帮我煮宵夜，为我付出好多，妈咪呢位教主好可爱。”
声带发炎类固醇起不到效用 Anson感绝望靠意志挨过
录制《大叔的爱》片尾曲《不可爱教主》时，Anson因严重睡眠不足以及一直以来的说话方法令声带发炎和结茧，再加上当时MIRROR正举行一连六场的演唱会，病情严重到他连说话都非常辛苦，花姐一度提议Anson放弃录制片尾曲：“讲两、三句嘢就要Stop一个钟，完全讲唔到嘢。好大压力，好惊辜负咗呢首歌，填词嘅 Riley（林若宁）每一句都好中阿牧嘅心情，所以好想唱好佢，但𠮶时能力上唱唔到。花姐提议不如同监制讲唔唱喇，废事唱得唔好，直接冇片尾曲。但𠮶时开始咗头两个部分嘅录音，开始咗点解唔完成埋佢，死顶就完成埋佢。”
Anson当时吃了很多药物，甚至连类固醇亦起不到作用，他坦言当时感到非常绝望：“个零两个礼拜搭住演唱会，连类固醇都食埋，但头几日唔系好Work，𠮶时几绝望。已经食咗最劲只药，但好似冇咩分别，用意志挨过。”
生日获大众关注感惊讶 “第一次有咁多人同我讲生日快乐”
7月7日是Anson的生日，“神徒”准备了铺天盖地的应援，由巴士灯箱、码头巨型广告甚至邮轮，他表示惊讶之余亦没有想过生日会得到大众关注：“冇谂过咁多款式同数量，咁大个仔第一次有咁多人同自己讲生日快乐，大家对我嘅爱好多、好丰富。”
人气爆升带来的就是一举手一投足都会引来注目，Anson说暂时未感受到当中的不便全因他根本没有时间独自出街：“好耐冇试过自己行喺条街，而唔系工作Purpose，好耐冇试过Shopping，好耐冇试过同朋友出街食饭，好少所以唔知。我谂都唔大影响，自己幻想个画面，大家认到对我嚟讲唔系困扰。”虽然Anson密密麻麻的工作已霸占他大部分的时间，不过他却乐此不疲，更说要把握每个机会，尽力做好每一个工作，认真的教主、又或是温柔的阿牧同样十分迷人。
服装：Sandro Homme, Giuseppe Zanotti
Styling: PIPA Creative
发型：Denny Ku @ Chic Private I Salon
化妆：Giann Cheung @ Annie G Chan Makeup Centre
点撃睇大量专访靓相：