花姐唔嬲周刊重提MIRROR情史？ “大家做之前谂下会唔会伤害人”
随着电视剧《大叔的爱》爆红，有周刊就重提剧中三子Edan（吕爵安）、Anson Lo（卢瀚霆）及Stanley（邱士缙）的过去恋事，在镜粉间引起轩然大波，同日MIRROR经理人花姐在IG发布限时动态：“增加销量有很多方法，你用的那种⋯⋯”又配以愤怒Emoji，不禁令人联想两者的关联性。
不过，花姐周五（16日）就重申Story提及字句与周刊无关，亦没有对任何人不满，她解释：“其实MIRROR嘅Management同出面系有啲唔同，我哋好多时冇理外界点样睇我哋，又好真实地将所有面貌畀大家睇，只系好努力做好自己又唔会争啲乜。”花姐续言：“我唔开心嘅系因为MIRROR而家系热话，所以就用佢哋做话题，我唔系介意，但我希望大家做呢一步之前谂下会唔会伤害到人，当娱乐圈大家一齐努力、有工开，点解要做啲唔关事嘅嘢去伤害任何人？”她以一间原本生意兴隆的茶餐厅作例子：“点解突然要讲里面嘅菠萝包唔好食，令到茶餐厅冇生意？”
全民造星IV︱花姐讲明会加《延禧》剧情 戴颖接捧做女团经理人
全民造星IV︱KOL强势参战搏入女团 193亲生妹郭嘉盈玩埋一份！
问起花姐会否与MIRROR成员做心理建设，她笑言成员一早有心理准备：“旧闻到不得了，连登出咗90年，其实对艺人、粉丝都影响唔大。”花姐坦言多了人对MIRROR注目，的而且确令成员感到压力，害怕令喜欢自己的人失望，而她作为经理人可以做的就是叫他们“做番自己”就好。
谈起李炘颐（Alina）在个人限时动态吐心声：“到底一间公司可以有几好，明知人地连饭都就嚟无得食，仲帮人推走晒啲job，又或者将个job比其他人。我觉得真系好amazing㗎。”这段文字引来不少猜测，亦有人指出猜疑是否与男友Stanley或是ViuTV有关，花姐直言不清楚事态：“我谂佢唔会咁样⋯⋯虽然我唔知咩事，但我作为经理人都会帮MIRROR、ERROR推job，但当中一定有理由，可能唔适合佢、或者同其他job撞咗，所以要互相沟通，Alina应该唔系讲紧自己。”
Stanley@MIRROR女友Alina怒斥公司推Job：人在做天在看
MIRROR及ERROR近日双双晋升为炙手可热男团，广告、剧集、电影等邀约不断，为本地演艺圈带来新气象之余，亦成为名副其实的吸金王，问起是否开始由亏转盈，花姐就说：“原本预计5年可以平手，而家可能唔使5年，赚钱就未，始终我哋投资真系好大，出活动12个人12套衫，访问又不断换衫，其实每一套都系钱。例如呢两个月出8-9只歌，使费真系好大，鲁生系傻傻地，佢真系冇谂住赚钱，真系谂住畀钱你做好乐坛、令娱乐圈更蓬勃，佢睇嘢好长线，所以只系缩短咗平手嘅时间。”