大叔的爱．专访︱Asha徐㴓乔18岁出柜吓亲阿妈：佢以为自己做错嘢

ViuTV剧集《大叔的爱》今个星期五（16/7）播出大结局，“阿田”Edan（吕爵安）情归何处，届时自有分晓，唯一肯定的是徐㴓乔（Asha Cuthbert）饰演的“梓芊”一早在这个“赛事”中被Foul出局。“一切都系Timing问题，如果梓芊肯再早一个钟讲，个结局就唔会系咁。”Asha好明显是与“梓芊”是两个人，“梓芊”迟迟未出击搞到错失最好时机，而Asha好明显是想做就做的行动派：“我试过主动去追两三个人，不过只系成功过一次。最认真一次，我真系豁出去，‘你去边，我就跟’，试过喺外国读紧书，但冇同阿爸阿妈讲，偷偷特登飞返嚟同人过生日，爱情嘅盲目，我曾经都试过，系一种机不可失嘅感觉，It’s now就now。”

Asha接受访问时表情多到爆炸，点击下图观看表情包：

敢爱敢恨，是Asha的同义词，她既是香港少数公开承认双性恋的艺人，亦高调力撑LGBT平权。“大家讲起LGBT，或者第一时间会谂起Asha，但系我希望有其他人出现，陆续有更多人大胆啲，而家有人低调地提到，我已经好开心。（好多艺人都未必敢讲自己性取向，你有咩建议？）咁又唔使逼人出柜嘅，但系我会觉得人咁都大，不如讲啦，身边有人支持，就唔使咁惊，不过觉得个反应系好大、负面，就再畀啲时间啦！”

点击睇埋其他专访靓相：

谈起Asha的跨性别男友Seth时，记者口快快称呼他作“女朋友”，她闻言便即时纠正：“唔系讲女朋友㗎，系男朋友呀，因为佢系Trans、变性嘅话，佢系里面系男，就系男朋友，基本上系Delete咗之前嘅性别，不过亦有人好拥抱呢个转变，好Proud of自己系Trans。（好多人都讲错？）其实我好多朋友都讲错，因为主流媒体好少提及呢样嘢，呢条路真系几漫长。”而她发现自己性取向，到向家人“出柜”，亦花了不少时间：“我13岁意识到自己系双性恋，到我18、19岁先同屋企人讲，我阿妈好抗拒，因为佢系菲律宾人、天主教徒，佢唔系好明白发生咩事，佢有怪自己，‘系咪我自己做错啲乜嘢’，所以都要啲时间证明畀我阿妈睇，呢件事系好自然，而我阿爸就Open啲。”

点击下图观看Asha精选IG靓相：

现时香港的婚姻制度仍然是“一男一女自愿终身结合”，所以Asha都考虑过之后到其他地方注册：“但系未知几时，而家拍咗拖三年几，不过最重要都系等埋阿爸阿妈嚟见证，疫情关系，我都有成两年冇见过佢哋。（你理想嘅家庭系点？）都想有小朋友，都有倾过系想收养嘅，唔系自己生都冇所谓，可能系因为自己系独生女，所以我一个就够㗎喇！（Seth都一个就够晒数？）佢想美式大家庭，三、四个小朋友𠮶只，我话‘你Handle到先算啦，赚到钱、有地方都OK嘅’，但我会宁愿养多啲猫猫狗狗。”

讲起赚钱、买到楼，相信大家都记得Asha曾拍YouTube片怒轰无线（TVB）节目《网络挑机》、狠批王晶“成功等于有钱买楼”的言论，6年过去，想法有否改变？Asha直指自己想法始终如一：“我自己对成功嘅定义，6年前后都系一样，我开心就得，我的确仲系租紧地方，但觉得自己好成功，起码比起两年前，我系成功咗好多。（你有进步，TVB有冇进步？）其实我冇乜点睇TVB，而家都系睇Netflix同埋ViuTV多。（唔睇TVB，咁拍TVB剧又得唔得？）𠮶边咁多Limit，咁多标签，我唔钟意有标签喺自己身上，呢度系我最舒服嘅地方。不过，Money is money，我又唔会咁快Say no嘅，如果佢系Open to something，例如LGBT嘅话，同埋都唔知𠮶边会唔会要我啦，真系有机会先算。”

社会不断进步，难保大台也会变得拥抱多元文化，若果有一天Asha在TVB剧集出现，绝对是一件好事。