黄德斌拍完《大叔的爱》想进军荷里活　唔怕要讲英文：惊你啊？

黄德斌今日（15日）以一身运动装束出席运动祭揭幕礼仪式，他表示自己间中会去行山跑步，不过因不稳定的工作时间难以与朋友相约去打球这类型的团体运动：“我放假唔一定系公众假期，所以我啲朋友都未必可以同我一齐去玩！（约下MIRROR几个后生仔去做运动啰！）哗！佢哋忙到乜啊真系！瞓觉都冇时间，仲要做运动想佢哋死啊，哈哈！寻日同佢哋做嘢佢哋都话瞓咗几个钟咋！”

德斌近期因在ViuTV《大叔的爱》中饰演“大叔”KK一角而人气爆灯，除了几位主演的MIRROR成员Edan、Anson Lo及Stanley工作量暴升之外，德斌亦承认自己多了不少工作机会：“有啲嘅有啲嘅，（广告）都有嘅，安排紧安排紧！”他在剧中破格做出不少少女情怀的表情而疯狂被广大观众cap图做贴图疯传，德斌笑言与广告商仍未洽谈细节，不过亦不会介意被要求扮可爱。

不少网民大赞黄德斌和简慕华这两位曾是TVB绿叶演员的演出有惊喜，见到两人终于有机会发光发亮而感到高兴，同时亦批评大台埋没了不少人才。德斌作为简慕华多年的朋友，对于近期“简粉”曝增，他亦感到相当高兴：“佢几时都咁光芒四射啦！喺我角度，佢系一个好用心嘅演员，而家都好戥佢开心！”简慕华曾表示因为黄德斌才特意从加拿大回香港拍剧，而现时又盛传剧组将开拍续集或电影版，对于好拍档的去与留，德斌坦言仍在讨论中，更表示如果TVB有意找两人回去拍剧亦不会介意：“我系一个自由身演员，边度地方我都会去，我冇分嘅。（有冇好想尝试嘅题材？）梗系荷里活啦！（去外国要讲英文㗎喇㖞！）讲咪讲啰，惊你啊？哈哈！”

大叔的爱︱黄德斌浮夸演绎超有反差感　简慕华：会做少女笑容表情