余德丞否认因身体状况无法代表TVB去东京：唔好用有色眼镜嚟睇我

余德丞（Dickson）今日（13日）现身将军澳电视城出席“2020东京奥运会”记者会，热爱足球的Dickson坦言有观看周日上演的意大利对英格兰欧国杯决赛，亦有留意到在互射十二码阶段中三名射失的英格兰黑人球员拉舒福特、辛祖及沙卡惨受网络欺凌事件：“喺呢场波之后系咁攻击几个球员，我觉得种族歧视呢样嘢系唔应该发生！所以同奥运一样，系要宣扬比赛好重要之外，友谊亦好重要。”

三年前Dickson踢波时突然心律不正昏迷入ICU留医而震惊娱乐圈，虽然现时已经完全康复，医生亦表示他能工作及出外旅游，但早前他在节目《Mean Talk》中直言自己仍被标签为病人，要四处跪求工作机会：“其实我好健康，㖊晚先踢完波，可能喺某啲人嘅眼中我仲系一个病人，但正如欧国杯中嘅瑞士球员艾历臣事件，大家都更认识心律不正嘅情况系点，而再之前一个荷兰球员白连特都曾发生一模一样嘅情况，今年都有踢欧国杯，佢都可以再喺呢个国际舞台代表国家队踢波，如果其他人都冇用有色眼镜睇佢，我希望都唔好用有色眼镜嚟睇我。”

同场加映：Mean Talk｜余德丞入ICU后被标签失工作机会　“我觉得好唔公平”