安德尊薛家燕拍饮食节目 大王唔怕同鼎爷比较
撰文： 温菁莉
出版：更新：
大王安德尊、薛家燕、裕美、翟威廉、张美妮今日于铜锣湾为无线节目《区区添食团年饭》进行拍摄。今次大王身旁不再是李锦联而是换上家燕姐，斗嘴当然唔少得。大王则指家燕姐经常有弹无赞，“佢好多嘢讲，成日对我地有意见。但其实家燕姐已经食尽天下，有好嘢食一定要请教对方。”而他亦有留意最近掀起话题的《鼎爷厨房》，并指自己好佩服鼎爷的厨艺！
自言好钟意食嘢的家燕姐表示拍节目要一日食六餐，就话唔过瘾，皆因“我地唔可以食得太饱，所以每次都食一口啖，其余就俾工作人员帮手。”到就快到农历新年，家燕姐透露原本年初一要到内地接骚，但后来就取消了，点解呢？原来系家燕姐家中的仔女邀请妈咪一齐去旅行，“佢地同我讲，妈咪不如我地新年一齐去旅行啦。我地考虑三亚，台湾或者越南，睇下边度可以订到机票。”
而今次担任嘉宾的裕美就透露即将推出新书《裕美一个人的精彩》，讲明系一个人嘅精彩，当然是讲裕美去年六月离婚后的心路历程，“我本身系一个依赖性好强的人，做什么都要有人陪。但离婚后我开始尝试一个人行山，发觉一个人行动会更了解自己的内心。”讲到现时的感情状况，裕美就抱随缘态度，“都有追求者，但我想宜家尝试下一个人生活先，我都想快点可以生小朋友，唔想拍散拖。”