大叔的爱︱吕爵安卢瀚霆跳主题曲拼舞技　黄德斌压力大：唔好搞我

ViuTV剧集《大叔的爱》众演员黄德斌、吕爵安（Edan）、卢瀚霆（Anson Lo）、邱士缙（Stanley）、简慕华、陈子丰、练美娟等人早前齐集为剧集拍摄片头主题曲《突如其来的心跳感觉》，舞步则由肥仔（梁业）所排。由于要跳舞，黄德斌于片场不时叹气，更赶已完成拍摄的演员离开，场面搞笑：“叫佢哋快啲走，唔好搞我啦，因为好大压力啊！导演话得就得喇，但系自己就觉得可以好啲，头先叫做‘做咗动作’啰，畀多啲时间我排练，可以向歌舞戏呢个目标出发。”

吕爵安、卢瀚霆、邱士缙虽然精于跳舞，但NG次数竟比同场的练美娟（娟姐）和徐㴓乔（Asha）多，Edan认叻话自己表现比队友佳，但反被Anson Lo指责“计较”：“跳舞呢样嘢，我一向都好敬重Edan，所以输畀边个都冇咩所谓，都唔知Edan比较嚟做乜，呢个世界真系太多竞争喇。”Edan亦不甘示弱话教对方两招跳好啲。Stanley就话呢日演员齐集，但几乎不认得黄德斌：“因为佢剃咗须，真系怪怪地，成个人后生晒又靓仔咗。其实今日大家见面有点怕丑，要啲时间Warm Up，好快就返翻去拍剧个气氛。”

现场练美娟信心十足，但当导演要求她打头阵时，却以补妆为由推队友上阵：“因为真系惊惊地，要拍埋MIRROR一齐跳，但导演都话叫我表情为重，呢方面我做得好足！今日最后一日拍摄，但唔会唔舍得啦，一来成日都会见面，而且我有信心会开第二季，到时又会见面。”而同场的陈子丰自嘲年纪大，增加跳舞难度：“其实做咩表情我都谂好晒，但系要我记Step就有难度，话晒都四十岁去到中年，未必够MIRROR啲后生仔嚟。”