刑侦日记｜黄智雯与男友有共识 唔担心做高龄产妇：高龄咗好耐啦
《刑侦日记》女主角黄智雯 (Mandy) 在剧中所饰演的角色游雁星是一名女拆弹专家，性格敢爱敢恨，外刚内柔，对Mandy来说这个角色最难的地方就是要挑战体能。她表示：“之前拍《飞虎》时，我系一下掌上压都做唔到，今次呢个角色又要成日着背心，我收到剧本就喺开拍前早4-5个月去健身，一星期去做三次Gym，食得好清，食鸡胸肉、蛋白𠮶啲，可以讲系我人生食得最健康嘅半年，真系唔敢松懈。”而拍这套剧最难忘的，就是拍爆炸场面：“每次都严阵以待，要着住套防爆衣有成80磅重，喺炎夏拍都几吃力。不过都好训练到我嘅毅力同能待，每次拍完个膊头位都好痛，train到我嘅意志力。”除了爆破的危险镜头，她与王浩信的感情线亦特别难忘：“一段几浪漫嘅爱情故事，系好唔现实嘅，明知佢个人格有限期，彼此精神交流几刻骨铭心。”
Mandy近年先后获得多个人气女角色以及潜质女艺人奖项，当中包括于2018年凭住剧集《三个女人一个“因”》饰演患有三重人格的大律师方以因，获得“星马双料视后”以及“双料民选视后”殊荣，亦多次于万千星辉颁奖礼中获提名最佳女主角，可是至今仍未能成为无线视后。问到想不想赢得视后？Mandy坦言：“唔否定拎到奖项系开心嘅，奖项对演员系好大嘅鼓励同愉悦。不过作为演员控制唔到得奖与否，我依家追求角色嘅满足感，如果得到观众认同会好满足。”
提到连她的后辈蔡思贝都拿了视后一奖，她迟迟仍未获奖，可会觉得是差些什么？对此，Mandy说：“唔会觉得系差啲咩，反而觉得所有嘢都系timing，真系要睇天时地利人和配合，我等待紧一个再令我发光嘅角色，一个可以同观众连系嘅角色。依家我只能够做好每一个角色。奖项anytime攞到都系开心嘅，但系我更着重好剧本嘅追求，同埋享受演戏嘅满足感。我之前啱啱做完舞台剧，对我系几大嘅冲击，系我所响往嘅一个好班底，可以提升我嘅演出，好想每年都可以演一次舞台剧。今次《刑侦》都系一个好好嘅班底。”
随住多个电视台的崛起，TVB与其他电视台的收视大战一触即发，问到Mandy有无压力？她说：“演员唔会话有好大压力，拍剧时已做好自己本分。其实有竞争系好事嚟，最紧要有选择，我都有睇其他台，大家吸纳唔同观众，走紧唔同嘅方向，系良性竞争。同埋收视只系其中一个计算方法，除咗电视，仲有好多平台可以收睇。”另外，对于曾志伟与王祖蓝回巢变革对她的工作安排有什么影响？Mandy表示：“对我唔系太大影响，我主要拍剧。两年前做过真人骚去跳舞，我几有兴趣，几enjoy，如果有机会想公司开下啲真人骚，可以畀观众睇到演员真实嘅一面，做返自己，而唔系演饰一个角色。”
Mandy与胡说八道会一班姊妹感情极好，她们当中胡杏儿已生了三个，豹嫂胡蓓蔚与豹哥单立文十分恩爱，施嬅又已经定了婚，问到Mandy心不心急想结婚生BB？她说：“我唔心急，系佢哋心急多啲，佢哋会好想见到自己啲姊妹过得幸福。我自己对依家个节奏几舒服，唔使追住大家嘅尾巴要做啲咩，男友都ok，有共同方向，大家都有共识。下年就系我哋拍拖10年，彼此之间仍然有讲唔尽嘅话题，唔会话觉得厌觉得闷咗。”至于可会怕成为高龄产妇，Mandy直言：“高龄咗好耐啦，我觉得生BB系一个好大嘅责任，唔想好轻易去对待，唔想见人有我有咁样，最紧要系知道自己想要咩，我抱随缘心态。”
服装提供：Altuzarra from The Outnet