庄思敏代妹澄清到医院求诊　叫杨明做媒人介绍男友

庄思敏与陈展鹏、林夏薇等演员今日出席新剧《乘胜狙击》宣传活动。近日有传媒拍到庄思明早前与男友杨明到医院求诊，期间更被指搓肚作呕。Jacquelin对此就替妹妹否认：“𠮶啲系旧相，其实圣诞之前已经影咗，当时佢都知有记者跟去。”她续指与妹妹同住，所以对方发生甚么事都一清二楚，又替妹妹解话：“佢而家冇病冇痛，我又唔想睇完报道就特登问佢，咁样又好奇怪。”

庄思敏讲到妹妹与与杨明都应该会有计划过将来，而目前感情都很稳定，问到会否希望妹妹先结婚后生B，Jacquelin说：“呢个世代结唔结婚先都唔紧要，反而系两个人要有共识去一齐生活。杨明而家喺事业上有唔错嘅成续，都会花多啲时间喺工作上面，而我妹妹未来都有新动向。（今年有冇机会结婚？）今年呀？应该唔会啦，就算系，我通常都系被通知㗎。”至于会否叫杨明介绍男生给她，Jacquelin二话不说：“有呀！无理由得佢哋系度放闪㗎嘛！（要乜条件？）最重要沟通到。”