FB现MIRROR致婚姻破裂关注组 姜涛：影响到夫妻关系真系唔好意思
撰文： 刘传谦
出版：更新：
近期城中热话，非“我老婆嫁咗MIRROR导致婚姻破裂关注组”莫属，这个Facebook群组成立两日，至今已经有12.1万人加入，分享夫妻间因为MIRROR和ERROR而发生的小事。两位MIRROR成员姜涛和柳应廷（Jer）今日（5/7）现身亚博馆，参与《拉阔音乐会 风火雷电》记者会后也有回应群组内容，认为贴文内容以搞笑性质居多。
对于有群组关注MIRROR威胁夫妻间的恩爱，姜涛先说：“都系𠮶句，如果真系影响到一啲夫妻关系，真系唔好意思。”Jer也相信贴文内容纯属搞笑，夫妻关系不会因追星活动而有影响。他指花姐都有追看贴文，又笑指：“我知道花姐睇得好精彩，话佢唔瞓觉咁睇Post，可能花姐嘅老公都喺个group入面，哈哈！”在旁的经理人花姐（黄慧君）即激动澄清，指老公没有加入群组。
花姐欢迎老公DM求助
其后花姐接受访问时坦言，自己在一见到就申请加入群组，当晚都用几个钟看贴文，直言很久没有试过在社交媒体追看贴文和回应：“我睇呢啲post系睇得好开心，亦都真系好耐未试过要追post。我觉得里面除咗搞笑之外，亦都充满爱，虽然𠮶班老公口中话MIRROR同ERROR霸占佢哋嘅位置，但系佢哋对老婆或者女朋友嘅包容真系觉得好有爱。佢哋话有老公陪你睇《大叔的爱》、打卡、㩒演唱会飞，我都好想老公可以陪我一齐做。”
她强调夫妻不应因为追星活动而分手：“我觉得女人可以贪心啲，可以拥有一个男人，同时拥有MIRROR、ERROR，唔好做傻事。隔离𠮶个实在太珍贵，可以包容你，要珍惜。如果老公、男朋友遇到呢啲事，即刻DM我，我即刻揾你嘅老婆、女朋友，帮你搞掂佢。”
点击图辑睇记招现场：
+47