香港小姐2021丨梁允瑜被爆中学时期超火爆：过去嘅事我唔会收埋佢

TVB每年隆重其事的选美比赛《2021香港小姐竞选》将于九月举行，经过一轮筛选，最终入围28名佳丽，今天（5日）一众佳丽出席记者会，这是她们首次会晤传媒。

有“粗口港姐”之称的23岁梁允瑜（Chloe）因参选港姐后，网上便流传一段疑似是她爆粗的影片，影片中Chloe边食鱼旦边爆粗，在今天记招时候Chloe大方承认是片中主角，“呢件事系有发生到，我承认。我觉得过去嘅事我唔可以抹走佢，唔可以忘记佢，反而我要感激过去自己先成就到依家自己。”但网友对于Chloe食住鱼旦爆粗有些不解，她笑言：“呢个问题都好多朋友问我，我觉得食鱼旦系香港地道文化，同埋我都好钟意食鱼旦，我希望再次买返屋企食。”

另外亦有读者继续爆Chloe的黑历史，指她在读书时期是一名坏学生，说Chloe中学时期欺凌同学更试过老师责骂她堂上睡觉，一怒之下拎凳掟向老师，Chloe直言：“我头先咁讲，过去嘅事我唔会收埋佢，我系做过坏学生，我成班之中都算曳，所以我想同当时苦心教我嘅老师讲多谢，我会做好自己。（会好奇边个爆料？）边个同学爆料我就唔追究啦，我反而觉得当时无论小学中学嘅我都冇依家咁健谈，冇成日笑，会畀人觉得我好串㖞，已经觉得我唔系一个好Nice嘅人。依家成长咗，唔会好似中学咁，我成日都畀中学同大学同学拎返出嚟笑我。”