Anson Lo、 Edan天桥轻吻　监制爆二人试戏自动波：排戏已经嚟料

由黄德斌、卢瀚霆（Anson Lo）及吕爵安（Edan）主演的《大叔​的爱》，无论是“神还原”日版的细节位、原创“港味”对白抑或众人的演技，总之每晚播出后都一定引起大批网民讨论／回味。第一集播出后，有传收视高达8.7，唯ViuTV方面不作回应，身为监制的卢思麟(Tommy)接受《香港01》访问时，认为收视并非他们所能够控制，所以自己亦未有向ViuTV求证，他又说：“做呢套剧原意系想香港观众喺呢一个小时开开心心、忘怀大笑。”

在选角方面，Tommy指出由于日版已有很好的基础，所以他只需要找符合角色设定的演员就可以了。“阿田一定要揾一个邻家男孩、男女老幼都觉得佢可爱，Edan第一次casting时，我系觉得佢有傻更更嘅男孩，好有亲和力，所以佢系非常适合；至于阿牧系要有美男子感觉，都要细心、愁善感，最紧要系𠮶种靓，而Anson系好有，所以casting时我都觉得非佢哋莫属。”

剧集播出后，Edan零偶包、Anson Lo情深与虐心均获一致好评，身为监制的Tommy认为二人成功将剧集推向另一层次，又指Anson Lo每次到现场时，已将所有对白、情绪设计好。“佢哋真系拿捏到角色特质，而Anson系感情戏拿捏得好好嘅年轻演员，佢系剧中好多埸口系需要唔开心、忧郁或者喊，而佢每次都系做足100%甚至系做到120%，有时排戏佢已经嚟料。至于Edan，虽然田一雄呢个角色要有喜剧感，但并唔系我写出嚟演员就一定做到，呢个好睇演员特质，但Edan系可以，我都同佢讲过佢有星爷做喜剧与生俱来身嘅感觉，但花姐叫我唔好讲，因为怕佢忘形，但我真心觉得佢系喜剧天份好高的演员。”提到黄德斌的反差萌亦为观众带来惊喜，Tommy表示德斌在答应演出后已开始对角色有一定的设计，至收齐剧本、进行围读时，他已完全理解田一雄。“好多时一埋位就已经做到好少女心嘅德斌，完全唔需要试好多次。”

问到接下来的剧集可有绝不能错过时刻，Tommy笑言十分难取舍，希望观众睇完15集之后可以再一次好好重温。“不过自己对天桥𠮶幕好有感觉，因为我记得第一次casting时系比呢场戏佢地去做，当时我早咗到，发现有两个男仔喺楼下试戏，原来就系Anson同Edan，于是留喺车上观察咗一阵，见佢哋试完又试。到正式casting时，会觉得呢两个男仔好用心好想演到个角色，𠮶次我都已经觉得‘系佢哋、中㗎啦’。后来到正式拍时， 佢哋系比casting时再好咗好多，有少少刮目相看。前日播出时有埋音乐等效果，真系好有感觉，唔少人都话呢幕好虐心，其实之后佢哋分手会更加有种感觉，Anson将情绪推到有少少系戥佢心噏。”

同场加映大设精彩时刻：