陆浩明为响应“明星运动会”加操不慎受伤入院：骨裂只脚肿晒
撰文： 吴子生
出版：更新：
陆浩明（6号）今日（30/6）带上伤阵现身电视城出席《睇电视抽WeFun 5000融易变10000》记者会。早前6号为响应《东京奥运2020》参加无线“明星运动会”，提前加操锻炼时，不慎受伤入院：“因为疫情嘅关系，好多场地都封场打唔到波，咁啱啲球场又开返，跟住有个朋友话有个室内场开咗，就叫埋我一齐去踢波。点知成年冇踢，一踢就出事，可能自己热身唔够，一转身只脚板就‘啪’一声，痛到出唔到声，跟住只脚就肿晒，跟住后尾漏夜入院，医生话骨裂要打石膏用拐杖行路。紥咗成个月石膏啱啱先拆咗。受伤之后，啲人成日笑我打跛脚唔使做，其实系打跛脚都要做。”