宝宝大过天｜马国明未有时间睇“电视大战”︰会留意《大叔的爱》

马国明（马明）于周二（29日）出席《宝宝大过天》宣传活动，马明刚从内地回港，近来他密密在内地“揾钱”，他笑言是“揾啲生活费”。所以跟汤洛雯（Roxanne）蜜运中的马明就被迫与女友经常分开，他说：“佢又开工，佢又忙，其实我返嚟已经好快要拍剧，要准备，所以其实大家都忙。（好少见会好挂住对方？）OK嘅，而家科技发达嘅，可以facetime。（所以成日喺IG放闪？）其实都冇乜，我哋都唔系成日都po嘢，我哋都冇乜po过合照。”

马明在剧中有一个可爱的女儿，被问到会否想早日成家立室，他笑说：“我都系随缘啦，顺其自然啦，同埋而家忙得好紧要，佢（Roxanne）拍完呢个佢都有两套剧等住要开，所以要再研究吓啊大家。（有冇呢个打算？）研究吓啦，有嘢话畀你听啊！”马明给人感觉随和，他笑言觉得自己将来却不会是一个太纵容小朋友的爸爸，“我都会对事啦，有时唔可以纵坏啲小朋友，小朋友某程度上系需要适当嘅罚嘅。”

ViuTV近来的攻势凌厉，综艺有《调教你MIRROR》，剧集又有《大叔的爱》，被问到他有没有留意《大叔的爱》，他表示：“其实我啱啱返嚟，我又未系好留意住。其实我都会（留意）嘅，唔同嘅剧集我都会睇嘅，唔系一定自己TVB嘅剧，其他嘅剧我都会睇人哋有冇啲好嘅地方，或者唔好嘅嘢，我都会睇。”

另外，马明当年曾与TVB五位当家小生组过“奥运六星”，虽未算是男团，但也似是一个期间限定的组合，会否见到MIRROR就想起当年，马明表示：“好耐啦！咁唔同！我哋𠮶时唔系一个唱歌嘅团队嚟嘅，纯粹系宣传奥运嘅一个组合啫，我谂系完全两样嘢嚟嘅。（有冇留意佢哋？）有啊！MIRROR我都有留意，仲有个ERROR㗎嘛！（最深刻边个？）深刻嘅都系姜涛，因为好多报纸杂志都会提起佢。”

点击下图看更多活动照片和Roxanne的美照︰