大叔的爱｜Anson Lo首集即与Edan同居　获黄德斌送花表白吓到崩溃

撰文： 邝钰莹
出版：更新：
感情状况为A0嘅阿田，首次已经邀请阿牧同居之余，更被上局KＫ表白。（影片截图)

由黄德斌﹑卢瀚霆（Anson Lo）﹑吕爵安（Edan）﹑邱士缙（Stanley）、简慕华合演的港版《大叔的爱》，今晚终于播出第一集。向来没有“偶包”嘅Edan，喺首集表情多多，无论系翻白眼、酒醉𦧲地、去厕所发现无纸巾甚至系大叫X街都表现得淋漓尽致，相信“爵屎”应该cap图cap得很高兴。

阿田虽然完全唔做家务兼成日搞到屋企打风咁乱，但阿牧似乎一啲都唔介意。（影片截图)

故事一开始就交代了喺地产公司嘅阿田(吕爵安)业绩其差，但仍然获上司KK(黄德斌)包容，甚至安排佢去做展销会追业绩；本身喺旧公司系Top Sales嘅阿牧转新工后，与阿田成为同事，并在对方嘅指导下，迅速了解公司业务。其后阿田在一次偶然机会下，得知阿牧识煮饭兼准备搬屋，于是火速邀请对方“同居”。

被发现手机有大量阿田偷拍照之后，KK唔惊之余仲向对方表白。（影片截图)
阿田超级崩溃。（影片截图)

另一边厢，阿田无意间发意KK手机内有大量自己嘅偷拍照，虽然极为不安，但由于身边同事都话KK同老婆结婚20年兼表现恩爱，所以当对方约佢去中环海滨时未有多加怀疑。当阿田见到KK手执火红色玫瑰时，仲以为佢准备送花俾老婆，但KK一句“田田 I love you”真系吓到佢崩溃，之后KK仲话本身唔打算表白，因为自觉无可能，但为咗唔想再呃自己，所以决定表白一次，仲下定决心揾机会同老婆离婚，最后仲好情深咁同阿田讲“你等我”。

点击睇第一集精彩片段

+59