Mean Talk｜单立文被江美仪质问有冇召妓　豹哥：点会对镜头话有

林盛斌（Bob）、江美仪主持的无线J2综艺节目《Mean Talk》，今晚十时半至十一时半播出第五集，由于主持够Mean够爆，自播映以来话题不断。之前，美仪在节目中披露离婚感受片段曝光，惹来全城热议，今（24日）晚新一集除了有美仪真情剖白足本版外，嘉宾单立文（豹哥）与滕丽名亦连环自揭不为人知秘密。

呢集节目绝对是“情绪过山车”，唔单止有感动位，仲有爆笑、无聊、八卦位，两位主持更遭“Mean高一丈”的单立文反客为主，搞到美仪反晒白眼兼有气无力。而众多“秘闻”中，最惊爆的绝对是单立文自揭与太太之间存在“虚拟二奶”：“我所有朋友都知我有小三，精神出轨系好好玩嘅嘢。”嘴多多的豹哥又主动问滕丽名：“你接唔接受到你老公叫鸡？”美仪睇唔过眼，即反问：“咁你会唔会叫鸡吖？”岂料豹哥神回：“点会对住镜头话自己叫鸡㗎，你系咪癫咗呀？你做主持人用吓脑啦！”豹哥又大爆初出道拍剧时，曾因抽离不到角色爱上王菲：“夜晚瞓觉会挂住佢，第二朝见到佢又会好似好开心咁，但当时佢已经结咗婚。”

滕丽名曾陷离婚危机

滕丽名则坦承与老公曾险些离婚，幸好后来靠一句话化解危机。豹哥与阿滕闲谈间提及李家鼎（鼎爷），阿滕透露对方曾救自己一命：“𠮶时《寻秦记》我要拍骑马戏，啲马系未受过训练嘅，跟住导演要我骑住一只，手揸住一只，仲要系咁跑，手上面又有剑又盛，但𠮶两只马打交㖞，我真系搞唔掂，咁我离远见到咪叫鼎爷救命咯。”