Anson Lo粉丝斥巨资为偶像庆生 尖沙咀现巨型广告只系序幕
撰文： 邝钰莹
出版：更新：
MIRROR嘅出现，令香港再次掀起追星热潮。有“教主”之称嘅Anson Lo(卢瀚霆)下月7号26岁生日，由于当日教主将会推出全新单曲，加上主演剧集《大叔的爱》播出在即，所以神徒早在个多月前已筹备连串应援。
而神徒嘅头炮生日应援是斥资6位数字金额，租下尖沙咀五支旗杆对 开嘅巨型广告位，广告除有教主靓相之外，亦写有“HAPPY BIRTHDAY 7.7 ANSON LO”，由本月25日开始至下月8日，神徒或路人可以疯狂去打卡，后援会负责人Annie笑言巨型广告只系序幕，之后嘅应援绝对系铺天盖地：“今次呢个设计都特别嘅，右边放晒Anson出过嘅solo歌连埋二维码，可以令更多路人多认识佢。 而左边就会有今次参与应援嘅神徒名单。”
点击睇巨型打卡位
+2
其实后援会过去曾在旺角、红馆旁、铜锣湾SOGO电视大墙落大型广告，问到今次点解会拣尖沙咀，Annie表示:“今次同之前唔同嘅系多咗好多fans参与应援宣传！所以希望可以做得比之前大型，而选择尖沙咀呢块广告牌系地点超级方便、又够eye-catching， 亦因为广告牌系座地嘅，fans可以零距离打卡，一定会好开心好兴奋。”巨型广告版今晚(24日)换上时，唔少路人见到都纷纷停下来打卡，除有路人表示“而家啲fans真系好有钱”，亦有问“Anson Lo系未一阵会出现?”。
点击下图睇更多应援
+4
同场加映：姜涛孖MIRROR兄弟Anson Lo江𤇹生掘金 过千粉丝迫爆置地
+4