风头人物｜王祖蓝投放重金准备大改革：要攞返主导权！

“以前喺上海一日飞三个地方，舟车劳顿好有生产力咁，而家日日坐office，好似好无生产力咁。”如果肤浅一点来看，王祖蓝曾在一场4小时的带货直播创下2280万人民币成交金额（观看人次890万），生产力是极高。如果理性一点来看，回归无线两个多月，交出9个全新的综艺节目，同时带来余安安、 Eric Kwok、“傻姑”陈安莹等人，令观众周未不再《流行经典50年》或陈年演唱会，这又何尝不是生产力呢?

王祖蓝2012年首次亮相内地综艺节目《快乐大本营》，短短8年，由主持、工作室老板到近年掘起的电商，难怪去年有定居上海的打算，继而置业、为女儿揾学校。“我有经理人同制作公司喺北京，有电商喺上海同杭州，另外广州亦都有公司，喺内地铺垫已经好完整。经理人公司基本上已经放手，但对做生意好有兴趣，加上呢两年做电商都有啲成绩，系做艺人以外能够赚钱嘅机会，同时又可以创造工作机会，感觉上比有一个持久嘅将来。”祖蓝透露去年王妈妈到上海探望他时，主动提议他移居内地，但随著“奖门人”曾志伟的召唤，祖蓝唯有拖家带口返港。

有钱唔赚皆因pat pat痒?
谈及曾志伟，祖蓝坦言与对方经常意见不一，但大家都会摊晒出嚟讲。“我待人处事唔够佢好，佢同大人物倾嘢时好识规矩，而我系好易得罪人。同埋佢睇宏观，每场仗点打都会谂得好仔细，而我未必留意到。”受近年的社会运动影响，港人对无线观感每下愈况，难怪祖蓝返新工前已预料到吃力不讨好，虽然没有如果，但假如将返娘家时间再推早一点，情况会否好一点？身为基督徙的祖蓝笑言神从来没有向他作出指引，一切皆是“pat pat痒”，他说：“无迟无早，早两年我都未识电商啦。而家唔能够改变大环境，只可以改变自己，出面系点某程度上已成定局，所以第一件事系团结、士气同待遇，呢啲都系需要时间，再嚟就系制作水平。”

改革浪接浪

要提升制作水平，除了知人善用，改革亦是必须的，祖蓝说:“大家比啲时间我，我真系坐咗两个月，迫得啲员工好惨。我将呢两个月嘅观察整合之后，奥运之后改革，而再下一波会系台庆之后。”比起国内的电视行业发展，一个节目随时有十亿广告，香港无疑落后很多，这亦是改革的阻力一。“其实真系无得同内地比，因为想有资源时，广告条例又唔放宽，再加上近年一啲网络欺凌，情况就系你唔比广告我，但又要闹我啲节目唔好睇，咁想我点做？唯有系进步，但进步都要成本，以音乐节目为例，mixing系钱、band系钱，要改善剪接，买部好啲嘅电脑，十台八台又系钱。”

重夺主导权?

友台的音乐节目《Chill Club》用两年时间做出口碑，获不少行内人士赞赏，反观有40年历史的《劲歌金曲》近年不时成为笑柄，身为高层又有何看法?“呢个系良性竞争，你唔做我咪去做啰，我仲要投放资源去做。所以呢个时候我哋都应该攞返主导权，自己都要做返好，唔好太被动，被人话先做。呢两个月观察咗《劲歌》我都想改，想做到歌手、观众、听众都好享受，因为呢个系个音乐节目，系好应该去享受。正如你听《恋爱预告》、《没有你还是爱你》觉得系享受，但可唔可以每个音乐节目水平都唔好差太远呢？咁所以要改。”