【中华小姐】冯盈盈大热被狙击　吉隆坡林宣妤：我知道港式粗口！

无线《国际中华小姐》一向是花旦兵工厂，陈法拉、钟嘉欣、岑丽香等全部华姐出身，今年亦继续保持高质传统，香港代表冯盈盈当然是热门之一，但吉隆坡代表林宣妤Serene则来势汹汹，样子有点似Angleababy又有点似倪晨曦，而且性格爽朗，亦对香港很熟悉，连港式粗口都话认识，她说：“香港嚟过两次喇，我觉得冯盈盈系大热门啦，佢个人好nice又好风趣，(之前有报导话佢成日讲粗口㖞?)冇㖞，我觉得佢个人斯文，我谂呢啲都系好耐之前嘅事啦，(妳会唔会讲粗口?)我话唔会你都唔信啦，我知道港式粗口系咩，知道唔系好嘢就唔好讲喇。(有咩地方优胜过其他佳丽，我谂系主场之利同亲切笑容。)而她亦非常喜欢无线剧集，她说：“我好钟意睇无线剧，尤其郑嘉颖𠮶套《最美丽的第七天》，我睇咗3次呀。”

而香港代表冯盈盈虽然今次要作客到马来西亚选美，不过她表示未惊过：“好难得又有得选美，最希望突破自己，今次去到一个新地方选美，反而仲开心，因为觉得啲嘢好新奇，我哋个个都关系好好，但当然同同房嘅女仔纽约佳丽余思霆再熟啲，我哋一齐敷面膜，一齐食早餐。”16位佳丽中，以9号佛山代表李明子最好身材，她表示最多谢父母的遗传。不过讲咁多都冇用，睇图最实际。