张惠雅再次跌穿90磅瘦至皮包骨　千字文放负重提疑做小三闹爆网民

前HotCha成员张惠雅（Regen）去年曾在节目中自爆与年轻8岁男友分手后，为情消瘦而只得84磅，身体状况一度令人担心，其后她的体重逐渐回升至正常水平。近日Regen于IG story post了一张她上磅量体重的相，图中显示只有88.8磅，她留言话：“返到屋企就开始胃痛定唔知腰痛，瞓觉就出汗，94磅嘅我，今日已经跌穿90，依家个人仲系好攰，瞓觉仲系会标汗。”Regen的体重再度跌破90磅，疑受皮肤问题困扰而再次瘦到皮包骨。

另外，她前日于IG story post了一张下巴生满疮的“烂面”照，惹来网民的担心，她之后出post亲解原因表示：“下巴问题应该都几肯定系内分泌同肠胃有关，所以之前食咗两次酱油蟹，应该系最致命嘅原因。之前戒咗大闸蟹几年，酱油蟹都成年冇食，衰为食，而家开始我都唔会再食喇，多谢关心，刷完存在感同关心，瞓完个教，开心晒。”

虽然Regen表示自己已开心返，然而她今日凌晨就于IG发长文放负，剖白了她在娱乐圈的感受：“发生少少唔开心嘅事我就会喺自己嘅平台乱咁放负，我唔钟意永远都只系得正能量嘅人...... 我好乐观但系喺娱乐圈 一个咁复杂嘅地方，咁多意见咁多关系，我自己都已经迷失咗，动力都冇咗...... 每一次，每一次啲人都要屈我系小三，我真系介意。曾经对我伤害过嘅人我都系唔会忘记佢哋，诬捏我放假新闻，逼我影假新闻相，逼我做拆散Hotcha嘅罪人，一条又一条嘅罪名放喺我背上，𠮶啲背后捅我刀嘲笑我，又同你好似好好朋友，而家嘅我都会学识，断舍离呢一啲对自己有害嘅人...... ”她又闹爆网民表示：“但系连登你哋呢班人，系呀我癫癫哋呀，就系过往你哋所有嘅诬捏，令到一个未做过小三嘅人，讨厌小三嘅人，成为咗一个 好似全世界公认嘅小三，净系识得揸住一张相话咗我咁多年。

点击睇Regen放负原post住文，皮包骨照片以及其他靓相：