一笑渡凡间｜利颖怡入行9年终于唔使做“茄喱啡”：谂起都眼湿湿
撰文： 林迅景
出版：更新：
无线（TVB）剧集《一笑渡凡间》播出5集后反应都不俗，今日（31/05）剧中一班演员齐将军澳电视城举行宣传活动。利颖怡（忠忠）于剧中饰演“小兰”，她接受访问表示，今次是她自加入TVB 8年以来，首次被重用。
利颖怡接受《香港01》访问时说：“成套剧我只系得一句对白：‘少爷唔好啦。’不过我好聪明地加多咗两句，哈哈，但系我喺剧入面好快就已经受伤，然之后半身不遂，哑埋，净系得对眼做到戏。我只系其中一个单元嘅人物，我真系好感恩，戏份唔会超级多，但系喺我人生嘅演艺生涯入面，算系好多！”
虽然利颖怡已加入了TVB踏入第8年，但大多是饰演饼店店、村民”、孕妇、社工等连名字都没有的“跑龙套”角色，最为人所记得的，其实就只有娱乐新闻台主播记者的身份。
她自言，演戏经验实在不多，所以接到角色后真的有一丝的胆怯。她说：“接到角色之后，梗系超开心啦！而家谂起都有啲眼湿湿，𠮶阵监制叫我入房同我讲有戏畀我，再同我讲系咩角色，我真系开心到争啲喊。”
谈到落场埋位时，她表示角色十分困难且有挑战性：“净系靠对眼做戏㖞！所有脸部都冇，唔郁得，人哋都话讲嘢可以抑扬顿挫，但系我可以用对眼抑扬顿挫。我仲记得第一take个监制唔收货，因为佢觉得我对眼太精灵，唔似半身不遂，好彩后来都收货。”
她表示，其实最初加入TVB的时候，是打算往戏剧方面发展：“不过我都好感恩入咗《东张西望》，我从来冇谂过做主持，因为本身讲嘢唔系好叻，入咗《东张西望》系开拓咗我另一条路，而家有机会做返多少少戏，就好似重拾初心，真系好感动嘅。观众可能会以为我会有好多戏，但真系唔多，不过对我嚟讲就系一个起步。”
点选下图睇《东张》女神靓相：
+23
+2
同场加映：《东张》利颖怡再次成为网民焦点 盘点N个TVB经典“小背心”画面
+5
+23