新音乐节目《演斗听》创新玩法并为收视 监制：志伟哥想谷音乐人
曾志伟（志伟哥）升任无线电视副总经理后，综艺节目出现大革新，除新增了《好声好戏》和《日日妈妈声》等多个大受欢迎的综艺节目外，原来最近更将音乐与游戏融合，新制作了《演斗听》这个新综艺节目。
《演斗听》由王梓轩和C AllStar的吴崇铭（DJ King）担任主持，节目将邀请一班幕前幕后的音乐人，分成两组进行音乐游戏的竞技。节目监制张志明接受《香港01》电话访问时，就透露了节目的部份内容：“音乐人会即场Battle，例如喺iPhone揾朋友对白，再用对白嚟整歌，填歌词，用水桶或者牙签桶造音乐，即场填词作曲，又或者会唱歌，但系要歌手转成歌剧tone，大戏（粤剧）tone唱出嚟。”
他又说，节目的游戏会随住时间而更改：“因为我哋未必咁熟音乐，所以成个节目嘅production都系王梓轩一齐夹出嚟，所以我哋同佢合作得好紧密。节目游戏好玩嘅就keep。”
《演斗听》被安排在星期六晚上11点半至12点半播放，骤眼睇并不是一个“抢收视”的理想时段，但其实也是节目组有意为之。他说：“节目系志伟哥想做，我哋个节目唔系为收视，志伟哥想谷音乐人，有心想帮班对音乐有热诚嘅后生仔。将音乐当游戏咁玩，其实唔想大家好似JSG咁，上到嚟净系唱首歌，志伟哥想带返起音乐创作风气。”
对于节目收视，监制张志明就说不会太在意，并表示这个时段反而更适合：“夜晚合家欢（7点半至10点半）时段反而唔系咁啱，未必咁多青少年睇。未必个个节目都系为收视，而系要有责任，唔同嘅。”
监制表示，两组band以及主持，嘉宾为了节目花了不少时间：“因为个节目新，所以mixing用咗唔少时间。（咁多人制作费咪好高？）音乐人唔系全部为钱嘅，今次佢哋好好，全部都系友情价帮手。”
王子梓接受《香港01》访问时说：“呢个系一个好重要嘅project，呢个系属于最多音乐人一齐度（桥），比较偏向创作同埋非传统嘅节目。大家要摸得好熟先知发生咩事，譬如JSG已经有一个历史，大家都知JSG要咁，但系《演斗听》系冇蓝本，我哋希望可以做到最好。”