开心速递｜毕业“岛大”万般不舍 阿壮预告有得留低：骚量无影响
撰文： 邝钰莹
出版：更新：
周嘉洛“升呢”做新剧《痞子殿下》男一，由于档期关系，令佢要暂别《爱•回家之开心速递》。剧中同佢喺香港岛大（简称“岛大”）饰演同学阿壮嘅焦浩轩，在IG宣告“大家终于成长毕业”。由于书虫（林浩文饰）、头皮（吴卓衡饰）、面油（罗永健饰）等人都系“岛大”核心成员，毕业是否意味将离开剧集呢？焦浩轩接受《香港01》访问时表示：“非常非常唔舍得，始终都成千集，我劲挂住返工成班学生咁开心热闹，希望大家毕业之后，都可以一齐工作。”
点击睇“岛大”学生杰作
+5
焦浩轩透露如无意外的造，会继续出现在《开心速递》，所以唔担心因而骚量大跌，并笑谓：“Show粮收入同曝光都冇影响，因为阿壮毕业之后就会有新嘅工作，但暂时唔可以公布，其他角色都会有唔同安排。”他表示虽然未知监制会如何安排众人去向，但都好希望可以继续与书虫、头皮等人开工。
而身为“岛大”女神嘅叶蒨文（Sophie）在剧中既有补习社老师身份，又有大学博士身份，而她去年开始出演其他剧集，例如在《使徒行者3》中饰演保安局副局长千金“苏淼淼”、《超能使者》饰演陈山聪初恋女友。原则上不会有太大影响。叶蒨文接受《香港01》访问时表示:“因为大学写男仔多啲嘅，同埋我本身真系唔算多戏份，加上有补习社，所以唔算好大影响。至於戏份多定少可能系睇编剧佢哋有冇灵感写Candy多啲嘅嘢，但系我今日就开完工啰，即系都仲有嘢拍。咁我当然希望有多啲发挥空间啦。”
+50