东张西望｜何文田咸湿阿伯公然性骚扰：我畀200元摸超过十分钟

撰文： 邝钰莹
出版：更新：
爱民邨咸湿阿伯年约80岁，有指佢与太太同住，并靠够高龄津贴生活。(影片截图)

唔少公公婆婆都喜欢喺屋邨嘅休憩设施“打牙骹”过日晨，不过何文田爱民邨有位咸湿阿伯经常出口术，向女街坊提出用金钱换取不道德交易，令人发指。

有被骚扰嘅女也曾经报警，但警察到场后，只系话会将事件告知咸湿阿伯屋企人。“仲话如果你唔服气可以去平机会告佢。”唔怪之咸湿伯伯可以无法无天。(影片截图)

昨晚播出嘅《东张西望》访问多位女街坊，其中一位菲佣姐姐表示：“佢叫我帮佢按摩，话比200元。我话唔使啦，唔得闲。佢问过好多姐姐。”《东张》一连几日观察咸湿阿伯，只见佢多数都会扮瞓觉，再用偷望坐喺旁边嘅女士。节目其后“放蛇”让一位女同事坐近咸湿阿伯。本身食紧饭盒嘅咸湿阿伯即时主动搭讪，先系拎只香蕉出嚟讲对方食，之后再拎出现金表示：“我比一百元你食饭啦。”

主动向《东张》工作人员示好。(影片截图)

“放蛇”行动第二日，咸湿阿伯连蕉都无，直接表示：“总之你畀个波我摸，我就畀200元你，睇你钟意摸几耐啦，起码超过十分钟。紧系有钱先畀到你，无钱点畀你？性服务额外加200元。（唔使返屋企？）唔带架，屋企有人。等阵落下面无人见到嘅地方。”呢位咸湿阿伯好明确系惯犯，更声称之前试过好多次，又指“呢啲好平常嘅事，都唔系话严重事。”

虽然有片有真相，但咸湿阿伯向利颖怡表示系女士要求佢提供服务。（影片截图）

利颖怡其后访问咸湿阿伯“系未200元可以有啲特别服务”时 ，对方直认不讳，仲话“渣波咋嘛”，但最好笑系问到“摸边个个胸时”，咸湿伯伯话系“要钱𠮶个”，直指系女士主动要求佢提供服务，自己从未提出。又表示曾有女士报警，但唔知系咩原因“我都无做过啲咁嘅嘢”。有律师指出咸湿阿伯呢种行为可列为“引人作不道德行为”，最高刑罚系罚款一万元以及入狱六个月。

点击睇咸湿伯伯“撩”女

+13