逆天奇案｜陈伟洪与TVB已完约　直认冇经理人输蚀：亲生仔着数啲

TVB剧集《逆天奇案》除了一众主演陈展鹏、黄智贤、林夏薇、冯盈盈等备受关注之外，森Sir（陈展鹏饰）同Nic Sir（黄智贤饰）的一班下属亦有不少戏份，当中饰演Rocky的陈伟洪，在剧中经常着背心示人，超大只身形相当吸睛，原来当时他刚刚参加完健美比赛，所以身形特别Fit！陈伟洪在接受《香港01》访问时透露他是在2019年完赛后开始拍摄：“呢个系我人生最大只最巅峰嘅时候，比起香港先生𠮶阵更加大只，啲衫呀全部都唔啱着，咁啱个角色全部都着背心，除咗两场法庭戏之外。”

在2009年参选香港先生夺得少年组冠军后入行的陈伟洪，入行已经12年，虽然Keep住有剧拍，但原来他一直以来都未有机会签经理人合约：“啱啱选完港男出嚟公司都冇叫我做‘亲生仔’，其实自己都惊嘅，始终𠮶阵得18、19岁，冇个经理人凑住会惊闯祸呀，唔识Social，唔识主动见监制、高层，所以系输蚀嘅，自己又比较内向啲。之后入到训练班，再出嚟拍剧，𠮶阵都还好，有Casting，公司都有畀好多机会我，但五六年之后发觉‘亲生仔’真系着数啲㖞，因为有时同高层见面都会安排佢哋去，咁自己当然有少少唔开心啦，唯有努力啲做好自己等公司签啦，但系一路都冇啦。直至近年更加发觉‘亲生仔’机会系多啲嘅，因为我转咗一骚合约，变相机会真系少咗嘅。”

陈伟洪透露自己的合约至5月正式完结，但暂时未有新计划：“其实呢一刻就完咗，仲等紧公司安排啦，不过无论结果系点都好，我都会继续做演员，始终自己都热爱呢个职业。”除了做演员之外，陈伟洪亦有兼职做健身教练：“唔使拍嘢嘅日子，我就会教学生健身，帮补一下自己嘅收入，另外而家出面有Casting嘅机会我都会尝试嘅。”

观众对陈伟洪的印象似乎一直停留在2011年《点解阿Sir系阿Sir》中的蒋进一角，而他亦直言希望有突破：“当然期待会有另一个盖过蒋进嘅角色，希望有呢个机会，我觉得系经历嚟嘅，因为演员始终需要磨练一下。前两年台庆我赢咗二奖，咁我就即刻去报咗戏剧班、唱歌班，希望改进一下声线。转咗One骚之后机会少咗，自己好渴望有机会，所以准备好自己，希望机会嚟嘅时候自己捉得住。”