逆天奇案‧专访｜赵璧渝历6年闲角期 靠自嘲觅安慰：我唔太丑啫？
《白色强人》那位医生、《法证先锋IV》危站天台的“忽得妹”，如今是《逆天奇案》的妹头，入行8年的赵璧渝（Osanna）终于有一个较有记忆点的角色，专访那天，赵璧渝苦笑地形容过去的演艺生涯：“证明自己未够努力啰！”
Credit：化妆、发型：KoKo Lau／服饰：Kana Boutique、Mori Jewellery
2012年，Osanna考入TVB“第26期艺员训练班”，同班同学包括何广沛、袁镇业、利颖怡、李旻芳、黄耀英、陈洁玲以及林泳淘等。开学第一天，每位学员都要为自己5年后、10年后的目标，Osanna当时曾寄望：“我希望喺十年内可以做一个好全能嘅艺人。”
为了实践理想、达成目标，Osanna在训练班时已经非常积极，亦份外认真，然而“成效”却适得其反，更因此令自己被讨厌、甚至称得上被排挤：“当年训练班嘅时期，我个人真系好认真、好严肃，我啲同学记到而家！我哋𠮶时系上堂，因为佢哋喺度玩，我就同佢哋讲：‘你哋可唔可以认真啲呀？我哋上紧堂㗎！’可能好乞人憎㗎𠮶时，佢哋觉得我唔玩得，唔可以同我玩，都唔会同我讲笑。咁好老实，我真系好珍惜我入嚟（TVB）嘅机会，我视佢系一份工作，好认真，当时我怕佢哋影响到我表现嘛，所以我𠮶时先会咁讲！佢哋隔咗十年、八年都仲会拎出嚟讲。”
2013年，何广沛参演《女人俱乐部》饰演年轻版吴启华崭露头角、随后2015年年尾，以男配角的身份参演《律政强人》；2013年，林泳淘主持《情迷越南》开始为人认识，加入《东张西望》后大受观众欢迎；2015年，李旻芳加入《东张西望》，其后在《3日2夜》成功夺取观众的目光......“有啲比较嘅，系有少少心酸。”Osanna走在电视城的通道上，偶尔会遇到同期的同学，当自己被问到“今日开咩？”类似的问题，Osanna只能缅腼地回答：“我今日做OL啰。”
虽说路人、闲角是每位演员的必经阶段，但对Osanna而言，经历8年仍未有代表作，或多或少都感到惭愧，打开个人履历表，只能自嘲寻安慰：“我会话畀人听我累积咗唔同行业嘅工作经验，有做过侍应啦，保安啦！保安㖞，我一世人都冇谂过可以做保安！即系有少少自嘲，内心都有一丝介意嘅，咁但你又冇理由同人讲，呢几年你咩都冇做㗎嘛！咁咪自己Make fun of it，令到自己开心啲。因为呢个系必经嘅阶段，会有唔开心，咁我又唔系讲唔到对白、我个样都唔系太丑样啫？”
今次《逆天奇案》，Osanna在第一集成功以水手服枪战抢镜：
眼见同期同学一个又一个爬过自己头，Osanna只叹：“证明自己未够努力啰！”回顾过去8年的演艺生涯，除了《白色强人》之外，最瞩目的算是在《法证先锋IV》危站天台的“忽得妹”，但剧集过后，人气亦瞬间即逝，与其以“缺机会”为借口，Osanna更明白自己过去疏忽“个人经营”：“可能我以前有一段好长时间收埋自己，太懒喇，懒在冇认真系去谂，如果我真系咁钟意呢个职业嘅话，我要点样去做一啲周边嘅嘢令到我有更加多人认识。我以前就会觉得，我入咗呢间公司，呢个平台有好多角色，我就有工开，但我发觉系唔Work嘅，所以我而家开始醒悟喇。”
重温Osanna在《法证先锋IV》危站天台的“忽得妹”演出：
正所谓“知耻近乎勇”，现时31岁的Osanna或者已经输在起跑线，但她为追求理想，决定全方位刷存在感，增加自己的曝光率：“我以前系行过见到人唔会讲太多嘢，因为我唔敢呀，但人哋可能会觉得见唔到我系边个，话唔埋系一个PA嚟，（而家？）会同监制打招呼啰，等佢知道有我呢个人嘅存在，睇吓有冇机会可以揾我做嘢。”
而另一方面，Osanna亦觉得自己疏于经营个人社交网站，所以打算在未来的日子更积极、进取去分享自己：“要提醒自己有几多日冇出过Post喇㖞，尤其如果有剧出之前，就更加要操Fit啲自己，起码可以宣传吓自己，希望有一种令人眼前一亮嘅感觉，（怕唔怕畀人话博上位？）唔理喇！我老喇，年纪唔细喇，我又冇做伤害人嘅嘢！”
睇埋Osanna专访靓相以及“进击的”IG相：