封神榜20周年︱郑子诚拍酒池肉林戏份超尴尬：妃嫔含住粒提子喂我
由陈浩民、苑琼丹及元华主演的TVB古装剧《封神榜》，转眼来到首播20周年，当年收视录得最高40点，叫好叫座，至今依然是不少观众心中最经典的作品之一。在剧中饰演经常酒池肉林的昏君“纣王”的郑子诚忆述，当年还是一个新人演员的自己虽然演绎每日沉醉美色的戏份看起来很享受，但实质上令他“面都红晒”尴尬非常。
撰文：赵允琳
摄影：叶志明
摄氏36度着4层衫
郑子诚坦言拍剧多年来最麻烦的角色就是纣王，不但要穿三至四层衫上身，更要花上一个小时才头上戴不锈钢制成的擎天冠：“呢个角色系集合咗最多最高难度嘅东西，包括戏服，我拍戏咁耐未试过要摆咁多嘢上身！做戏要好顾及颈部以上嘅动作唔可以乱郁要非常平稳，而且我块面上面要痴得几嘢已经痴晒，包括眉毛、胡须等等，你试想想，36度咁嘅嘅烈日天气下着四层衫、戴住擎天冠痴住做戏，能耐力唔够多好难！”他又形容比饰演妲己的温碧霞还要麻烦：“妲己跌膊㗎嘛！妲己嘅衫唔多，我谂全套戏最多衫嘅其中一个应该就系我！”
他表示观众见到纣王与一众妃子在酒池肉林饮酒畅泳的场面看似轻松，但实质上拍摄的时候是冬天，只能有苦自己知：“玩水唔可以着太多衫只能着一件薄纱，但水池只系喺个厂内搭出来，就算啲水煲过，咁大个水池唔使两分钟已经冻晒，工作人员曾经摆过暖管但都冇用，我要忍住冻去表现同妃嫔嬉水食提子好开心，但其实成个人震紧！”
演酒池肉林一幕感尴尬
他又笑言最印象深刻的是一幕要演出纣王如何荒淫无道的场面：“我最记得有一个妃嫔含住粒提子，跟住用佢个嘴交俾我，我又要食番！当初都只系我头几套剧，拍起上嚟都真系几尴尬！”林雪早前在一个访问中提到自己有类似的经历，更控诉身边的妃嫔不断只喂烂提子给自己食，郑子诚就表示自己相比起来似乎更幸运：“哈哈！咁我都算好彩，我记得我个粒系OK嘅！”
第一次演骑马戏超紧张
郑子诚亦忆述剧中有场拍摄骑马场面时，险些因元华而与死神擦身而过：“我对马系非常惊恐，我未骑过马，而且又系第一套骑马嘅戏，但又要表现到好识骑马！我好记得华哥，即系元华，佢只马要热身，结果佢喺个大草原度跑！我只马又无啦啦跟住佢跑，结果我被只马带住喺上面一路跟住兜圈跑，我有一次差啲跌马添，不过学好彩我自己跳咗落嚟！到正式roll机嘅时候我嘅面部表情就好绷紧，导演仲话‘子诚，你要宽容啲，要霸气啲！’”他又笑言自此之后再遇上骑马场面，就要求一定要有人陪伴在旁：“好好笑，有个人喺前面拖住只马，个镜头就一路避开！”
睇埋剧中经典重口味场面：
点击观看更多郑子诚的照片：