蔡思贝同时拍《廉政狙击》《廉政行动》：角色人物有少少混淆！
撰文： 陈芷颖
出版：更新：
黄宗泽（Bosco）、吴卓羲（Ron）、王浩信、胡定欣，蔡思贝等演员今日（25/5）齐集中环出席邵氏网剧《廉政狙击》开镜拜神仪式。剧中饰演ICAC调查员的思贝接受《香港01》访问时就详细讲解角色：“我嘅出现系激Bosco，激佢同时系启发佢一啲嘢。我同佢都有啲唔好经历，我系睇化咗而佢系未放得开，所以我嘅出现系会令佢慢慢睇得开，系跳脱啲嘅ICAC调查员，为咗缓和成Team嘅气氛。”
思贝最近亦为无线（TVB ）剧集《廉政行动2022》开工，虽然两部剧的题材又或是角色都非常相似，不过她的造型却有很大的分别：“两边一齐进行系更加大嘅挑战，要用心啲令两个角色更加唔同。造型上都有少少设计，呢边系齐荫都比较少见。𠮶边嘅Setting就比较男仔头、Wet Look，会绅士啲嘅感觉，呢边就古灵精怪少少。”
同时开拍两部题材相近的剧集，思贝坦言有少许混淆：“未试过一次过开两部剧叠住，今次系第一次，都要重新拿捏。一路睇紧两个剧本，自己有时都会混淆咗啲角色，角色人物同Case都有少少混淆，要用更加多方法去分辨两边，不过开顺咗就Ok，而家开头会有少少难捉摸。”