日日妈妈声︱森美爆笑分享“凑仔经”　除衫Show身材惨被女儿嫌弃

无线节目《日日妈妈声》今晚（22/5）一集请到了森美上节目分享“凑仔经”，内容相当之喜剧化又搞笑。

森美在节目上分享说：“当时我同陈豪一齐拍戏，同陈豪一样咁健硕，一样咁好睇，当时参加佢（女儿）学校嘅步行筹款。我哋喺山顶完成之后，坐低之后，你都知有啲热，入面又着咗运动背心，我就除咗外套，然后我一除，我个女就话：‘着返！’跟住连个侍应都忍唔住笑出嚟。”森美还笑说，最后他都是除了衫“Show off”了一下。

森美同老婆亲热被子女撞破

不过最好笑的，还是森美被主持“严刑逼供”的部份，森美表示，女儿就像是他的“前世情人”，而儿子则是他的“前世兄弟”。主持罗敏庄就问道：“呢条问题系上面叫我问嘅，就系你哋喺房亲热紧嘅时候，俾仔女见到会点？”森美就回答：“咪同佢哋讲：‘你哋要唔要细佬？’”罗敏庄还追问：“即系当时唔好停，问‘你哋要唔要细佬’？”余安安也问：“咁点算？”森美：“咩点算，话做瑜伽啰：‘我哋做紧瑜伽，你哋出返去先啦。’哈哈哈。”罗敏庄又插嘴说：“会唔会问咩招式？”森美：“哈哈哈，我冇谂到㖞，呢啲系三级！”