青春不要脸｜荷里活级背景价值过千万！ 监制：希望唔会太落后
撰文： 林迅景
出版：更新：
无线新剧《青春不要脸》今日（20/05）煞科，剧中多位演员余德丞、丁子朗、林正峰和游嘉欣等在将军澳15厂拍摄最后一组戏。余德丞、丁子朗和林正峰三位还坐在一驾怀旧BENZ中，充满了80年代色彩。
大家可能会好奇，为什么在厂内可以拍摄揸车戏？原到今次TVB剧组首次采用了新技术拍摄，用LED面板搭建了整个可动式背景，所以就可以在厂内拍摄街景。监制林肯接受《香港01》访问说：“今次系我哋新尝试，因为背景系80年代背景，有好多都好难喺街取景，所以我哋就同动画部门倾咗，亦同一间LED wall公司合作，希望可以将80年代呈现出嚟。”
现场睇其实还完度和真实感都十分高，监制林肯亦透露，这一套装置来头其实一点都不简单：“头先见到嘅都系动画画出嚟，呢套系统系租返嚟嘅，如果买嘅话，投资大概系一千万左右，租嘅话都要六位数字。就算系香港电影，呢套系统都比较少。对我嚟一定有进步，因为车就一定要喺拍，呢套技术，好嘅系两边车嘅位置都可以做到真实反光效果，会有真实感同埋睇得舒服。”
这个技术是荷里活级？他就坦言：“呢套技术喺影视界都用咗四、五年，当然荷里活系最先用，内地都用咗一、两年都开始用，大家会听到佢哋全厂都系用LED wall拍，希望我哋唔会太落后啦，虽然而家先起步用，出嚟个效果都系满意嘅。”据行内人指，这一个技术虽然有别荷里活惯用的“绿幕”技术，但却好处多多，除了拍摄完不再需要后期外，同时演员也能较易投入。
点击下图睇更多：
+12
点击睇游嘉欣靓相：
+40