专访︱MIRROR演唱会造型师难忘日日改裤头：佢哋腰围每日瘦一吋
MIRROR一连六场的演唱会在欢呼声中圆满结束，12子劲歌热舞的演出赢得观众的掌声以及好评，“镜粉”更表示患上严重的演唱会后遗症，在社交平台不断重温靓相和精彩片段。演唱会的成功除了靠主角MIRROR落力的演出外，亦包含了很多幕后功臣的心血，才得以令整件事以完美方式呈现在观众眼前。演唱会造型师Constance Lee接受《香港01》访问时大谈筹备以至On Show时发生的难忘事，更笑言每天都要为12位成员改裤：“佢哋每一个由朝跳到晚好努力，腰围差唔多每日瘦一吋，所以每日都要改裤。”
筹备时间紧迫两星期准备80套衫 “系超级大挑战”
由清楚整个演唱会流程直到开骚日，Constance只有两星期的筹备时间，对她来说绝对是一大挑战：“由清楚晒成件事到开始做得两星期时间，总共80几套衫，两星期要完成一个演唱会系好大挑战。之前最赶系一个月，但系系做一个人嘅演唱会，而家两星期做12个人嘅演唱会，超级大挑战。有几Part嘅衫系完全转晒，我要喺一、两日之内揾12套衫，呢啲都好难忘。”
每日为12子改裤头 姜涛落力演出令西装褛频频爆开
重提演唱会的趣事，Constance说MIRROR落力的排练以及演出令他们变瘦，因而每天都要为他们改裤头：“每一个人都好努力，由朝跳到晚又好攰。佢哋个腰围差唔多每日瘦一吋，每日都要改裤。全部都瘦晒，你会见到12个完咗演唱会个个块面都凹晒。”
姜涛的Solo部份跳唱了三首歌曲，出尽力的演出令西装褛频频爆开。Constance笑言需每天修补衣服，去到尾场更整件破掉：“阿姜（姜涛）Solo Part唱《莲》、《精舞门》同《Master Class》，佢只舞太犀利同每日都用200%嘅力去表演畀观众睇，佢件西装褛差唔多每一场都爆一次。每一场都帮佢补一次，去到最尾件衫系烂晒。”
Constance爱Anson Lo红色露腰西装 Stanley着裙呈另一种男人味
问到Constance的演唱会最爱，她说有数个表演项目的服装都特别喜欢，当中包括开场的战士造型以及Anson Lo的红色露腰西装：“有几Part都钟意，Part 1我好钟意。揾咗Designer朋友一齐做，好似战士喺战场出嚟咁、未来战士嘅感觉。做开场系好震撼同埋好适合，加埋首歌《WARRIOR》。我都好钟意Anson Lo Solo红色露腰西装，系好难Handle不过佢身形好好Handle到。佢嘅辣舞再衬埋成套衫，个Sexiness好到位。”
她续指Tiger、Frankie、Stanley及Jeremy Solo部份的衣服能将四位不同的性感与魅力完美发挥，Stanley着裙演唱《裙下之臣》亦可呈现另一种男性魅力：“Stanley着裙，有时Man唔一定系着裤，着裙都可以令一个男人好Man，系另一种嘅男人味同性感。Tiger就长头发，有少少Michael Jackson感觉，我就揾咗件咁嘅感觉嘅褛畀佢，配合佢嘅身形、舞步，性格，着得好靓。Jeremy唱《Monster》系好有惊喜，加上一啲中性化嘅舞步。佢套衫系整嘅，所有闪石、苏苏都系整上去，摆咗好多心机。”
姜涛、Ian，Anson Lo对服装有要求 Stanley要求爆衫
在整个筹备过程中，Constance说姜涛、Ian和Anson Lo对自己的服饰有要求亦会给予意见，更大赞Ian有时装触觉：“阿姜对于某种颜色、Cutting会安全感大啲。Ian对衣服上比较有Sense，佢身形好靓着好多衫都好睇。佢对衫会有要求，觉得要呢只颜色去衬首歌，我会尊重同配合去呈现佢想表达嘅效果。仲有Anson Lo比较高佻，啲衫Fit身就好睇啲，佢有Sense自己着咩好睇。佢哋3个会比较清楚自己服装应该有咩，可以畀到意见着啲咩。”
Frankie、Tiger、AK、Lokman，Alton半裸骚肌成演员会高潮，Constance说Anson Lo以及Stanley亦有要求在服装上可以露多一点：“Frankie、Tiger、AK、Lokman同Alton除衫𠮶Part系规定咁露，佢哋操到咁Fit都想畀大家睇。Anson Lo好想骚腰，条裤想低啲见到人鱼线，成件事再Sexy啲。同埋Stanley都要求有一Part系爆衫、开钮，所以《Lady Killa》𠮶Part做畀佢。”
点撃重温MIRROR演唱会各个造型：