陈积荣不敌肺癌病逝终年38岁 曾透露癌细胞极速扩散全身有肿瘤
撰文： 洪晓璇
出版：更新：
去年8月宣布患上第四期肺癌嘅前TVB艺员陈积荣（Jeff），近来情况急转直下，5月15日早上不敌癌魔病逝，终年38岁。
Jeff一直积极对抗病魔，由于医药费用庞大，曾公开拍片发起众筹，一众圈中好友孙慧雪、骆振伟、马浚伟等都有出力呼吁各界支持。4月尾《东张西望》曾上门探望，当时消瘦不少嘅Jeff表示：“医生同我讲，标靶药已经对我冇乜用，当时个肺有一半系白晒！所以要即刻做化疗，但成功机会唔高，佢同我讲得4成。除咗个肺花晒之外，癌细胞系极速扩散，包括膊头、手臂、肚位置都有肿瘤。
因为疫情关系，入院治疗只能独自面对令Jeff情绪好低落：“呢段时间医院冇得探病，我第一次化疗系好辛苦，因为成日瞓喺医院，屋企人又见唔到，我𠮶时系好唔开心，复原得好慢，日日问医生几时走得。”提到家人无微不至照顾、朋友为自己打气时，Jeff不禁激动落泪：“以前唔会觉得家人可以咁样照顾你，原来屋企人嘅照顾系好重要同埋好有力量。”佢曾承诺一定会咬着牙关度过难关：“我其实一路以来都好痛，𠮶种痛楚系唔知边度嚟㗎，亦都唔知点样解决，我只想讲我一定会挨得过，虽然系痛系辛苦，但我知道好多人都好爱我好支持我，所以我要顶住，我会好返！”可惜最终都系不敌癌魔病逝令人惋惜。
陈积荣毕业于理大建筑及工程系 先后效力无线港视曾自资拍戏追梦
陈积荣第二次化疗抗末期肺癌 公开光头Look：冇头发都可以扮型
点选图辑睇郑中基演唱会陈积荣片段：
+10
点选睇Jeff访问片段
+8