鬼上你架车｜关智斌泰国酒店灵异经历：一开灯个黑影消失咗

由方力申同当奴主持嘅《鬼上你架车》，每集都会揾来一位艺人分享自己嘅灵异故事，最新一集嘅嘉宾系关智斌（Kenny)。Kenny表示刚入行时同Steven（张致恒）去泰国拍写真，二人住同一酒店房（尾房），而怪事就在入住第一晚发生。“个房型系L字咁，而我哋张床系背靠厕所。夜晚瞓觉时，不断听到有冲厕声、开水喉声，开头仲谂系未啲墙太薄，喺隔离房嘅声，但其实真系由我哋后面传出嚟，其实好惊但又好攰，最后都系决定瞓，点知我哋听到啲碟碰撞嘅声音，我同Steven你眼望我眼，由于大家都唔肯落床，最后仲瞓著咗。到5点几我起身刷牙洗面，突然有人好大力拍门，我以为系工作人员，于是去开门，但无人，再望出去全条走廊都无人。关门后无几耐又再有人拍门，我惊到即时叫声Steven去开门，但今次原来系我经理人Kitty妈，佢见到我好惊但无任何反应。”

Kenny表示直到离开泰国时，Kitty妈才敢透露原来她也在酒店听到怪声，但她一开始以为是有贼人，并打算与助手拿东西攻击对方。“佢哋仲见到个黑影蠕动，于是她们数三声后开灯，点知一开灯个黑影静止咗，然后整个房屋咩都无。”Kenny表示由于呢次系佢与“灵异”的最近距离，所以就算发生多年，至今仍然记忆犹新。

不过Kenny入行多年，恐怖嘢又点只一单，他表示多年前到横店拍《古宅心慌慌》。“当时横店都介未开发得好好，不过其实最恐怖系方中信，佢除咗……佢一出声就系要吓你，有一次我瞓醒好似被好多嘢咬，觉得好痕，我喺片场时同佢讲，你知唔知佢答我咩‘你应该俾鬼舐’，你话佢系未最恐怖？”

点击睇Kenny靓仔照片