范振锋（Ricky）今日（8/5）现身新城电台为节目主持。临近母亲节，Ricky表示会同家人庆祝：“我阿妈仲讲紧会唔会同佢饮茶先，不过都会同佢连同外母一齐去饮茶嘅，然后再封番封大利市畀佢哋。而第二日就会再同妈咪再去婆婆屋企，陪婆婆打麻雀，毕竟婆婆年纪都大，打麻雀又系婆婆最钟意做嘅事。讲真喺咁嘅时候，一家人难得开开心心可以聚埋一齐，真系好难得，不过我落场打一定会松章畀婆婆等佢食糊，见到佢老人家开心，我就觉得好安慰。”