阿娇钟欣潼错配衣著令身形矮一截　侧面睇吨位仍十足？

撰文： 邝钰莹
出版：更新：
被指肥到无颈嘅阿娇，昨日现身机场时，条颈终于出返嚟。(微博图片)

钟欣潼（阿娇）近日现身内地真人骚《怦然心动20岁》，其胀爆身形令不少网民感到震惊，而好姊妹蔡卓妍（阿Sa）就解释系因为“荷尔蒙失调”，仲希望大家唔好再讲。

由于零修图，所以视觉中国向来有明星照妖镜之称。呢日由于阔脚裤，再加上“视觉中国”嘅真实拍摄，令阿娇嘅身形好真实咁呈现大家眼前。(VCG图片)

日前阿娇喺武汉出席活动后现身机场，身形依然十分圆润，再加上佢以黑色阔脚裤配平底鞋，令其身形犹如矮了一截。而由后面睇，阿娇嘅Pat Pat更系吨位十足。喺排队安检时，有粉丝问阿娇本月18号会否有任何庆祝Twins出道20年嘅活动，佢就叫大家留意官网，仲重复表示“EEG，我公司”十分搞笑。

无论系侧面定后面睇，都好够份量。(VCG图片)

其实阔脚裤质感垂坠又“拖地”，但只要拣啱有质感的西装布料阔脚裤，随时可完全遮掩了女生下盘大、双腿不完美等缺点。圈中有不少女艺人钟情以西装外装配衬阔脚裤，但多数会穿高踭鞋或厚底鞋，用意更显腿长，但阿娇呢日以黑色Boot作为配搭，即时影响了观感，阿娇虽然衣著错配，不过仍然坐拥高颜值，点睇都系靓女一名。

点击下图全面睇阿娇

+5

同场加映：钟欣潼逾50万蜥蜴皮Birkin超难入手　盘点阿娇珍藏Hermès包包

+6