口水多过浪花｜陈滢自爆随时会闪婚或生bb︰我会系你好估唔到𠮶种

陈滢（Jeannie）近来剧接剧，机会不断。日前，她上电台节目《口水多过浪花》，接受郑裕玲（Do姐）访问，就分享自己的爱情观，自爆已经ready结婚生bb。

先讲事业发展，Jeannie表示非常满意自己现在的发展，2012年拍《寒战》前没有拍戏的经验，Do姐大呼︰“你第一套已经拍《寒战》啦㖞！”事关戏中卡士强劲，Jeannie笑说︰“我喺后面企喺度㗎咋。不过真系第一次就咁大个cast，真系大开眼戒嘅。”她后来又说︰“同埋我𠮶阵系紧张到呢，我企喺度唔够胆吸气，呼气我都唔够胆，企喺度一roll机，我就闭气，好彩个个前辈都冇乜点NG，我闭一气就搞掂。”

Jeannie在加拿大出生和读书，令Do姐好奇是什么原因令她一个人到香港发展，她表示一开始是在香港城市大学当一年的交换生，不过后来认识到当时的男朋友而留在香港，“我本身返嚟香港读city系未识香港个男朋友嘅，一心系谂住感受吓香港，趁细个读书边度都去探索一下，读紧书𠮶阵，系真系喺香港识到一个男朋友嘅。（Do姐︰为佢就留低一下？）都有少少嘅，始终细个系恋爱大过天。”

Do姐觉得Jeannie的绯闻算是多，问她会否想别人注意她的事业多一点，Jeannie说︰“我都知道我系易惹绯闻嘅，我觉得呢一行就系‘食得咸鱼抵得渴’，特别系如果单身真系冇计，我觉得自己身不由己，我每次都会去澄清嘅，但系观众信唔信，每个人都有佢哋自己嘅opinion。”她续说︰“我系一个，如果我真系同呢个人拍拖，我系认嘅，喺我过往，都系咁样嘅。”但有时只是跟她合作也传绯闻，她现在对这些新闻的看法就是“你钟意啦”，如果大家喜欢看花边新闻的话。

被问到有没有结婚的念头，Jeannie直言︰“我觉得我系一个几……闪婚嘅人，可能你下次见到我，我已经大咗肚𠻹啦。（Do姐︰你想有小朋友？）我会系你好估唔到𠮶种。（Do姐︰会唔会有好角色就后悔到时闪婚或者大肚？）咁又唔会！终身大事嚟嘅，我讲到好似好儿戏咁啫，我嘅意思系我ready，其实系ready啦，可以结婚，可以生仔嘅。（Do姐︰但系事业呢？可唔可以并存？）我觉得都好睇我嘅对象㗎，所以要等佢出现咗先答到你，我觉得如果系一个我好钟意嘅人嘅话，（Do姐︰都肯去放低一啲嘢？）系啊，我觉得要balance。”听完Jeannie的答案，最后连Do姐都大赞她是一个好女仔！

点击下图看更多Jeannie的美照︰