黄树棠设灵︱袁文杰尹天照难忘专业精神：癌症出院翌日就开工
撰文： 叶诗
出版：更新：
资深演员黄树棠（棠哥）上月10日因大肠癌细胞入侵肺部病逝，终年75岁，周三（5日）棠哥家属在红磡世界殡仪馆为其设灵，与棠哥合作无间的尹天照与袁文杰前来致意，尹天照指棠哥离世得突然：“我一直都觉得佢好得番，好硬净都走过第一个难关应该都冇问题，势估唔到佢突然走咗。”他又透露原本计划与棠哥在网络大电影再合作，惜无法成事：“同棠哥合作主要希望大家开工玩得开心。（会遗憾？）棠哥份人都睇得开，佢教识后辈咩都唔好摆喺心，嚟唔到都冇办法，咁佢喺天家可以拍天堂的故事。”
袁文杰难忘转投亚视后第一部剧《雪花神剑》（1997）已经与棠哥合作：“我仲记得开演员会，佢第一句就话：‘𡃁仔，开工嘅时候记住准备奶茶咖啡畀我哋！’佢系好锡后辈，𠮶刻讲笑想同我哋打成一片，拍摄过程有好多武打动作佢又不断教我、对我好好，喺《非常女警》佢仲做我爸爸！”
袁文杰对戏外的棠哥尤为印象深刻，更指他像大细路：“我觉得佢系相当乐观、正面嘅人，佢当年同我讲：‘杰仔，要拎个心出嚟相信人！’意思系唔好咁多猜忌，唔系个人会好唔开心。”袁文杰大赞棠哥的专业，以及对影视事业的热爱：“佢第一次癌症出院，第二日就即刻开工，虽然我哋无法想像，但黄树棠先生就系可以活动自由就去嘅人。”
黄树棠设灵︱陈炜入亚视即与棠哥拍《雪花神剑》：佢唔令后辈紧张
黄树棠设灵︱欧锦棠赞前辈认真 客串《我来自广州》武指大显功架
+5