黄树棠设灵︱胞妹黄文慧数度落泪　儿子黄荣璋：爸爸走得好急

资深演员黄树棠（棠哥）上月10日因大肠癌细胞入侵肺部病逝，终年75岁，周三（5日）棠哥亲戚假红磡世界殡仪馆为其设灵，妹妹黄文慧提前到场为哥哥打点一切，难掩悲伤心情数度落泪：“希望棠哥一路好走，佢就会离苦得乐，佢留喺度仲受苦，荣璋其实爸爸好锡你，佢唔想你辛苦，你要乖。”儿子黄荣璋接受访问时指爸爸走得急：“唔系话好痛苦，大家都可以放心。佢唯一交托我嘅系之后要绿色殓葬，洒番骨灰喺纪念公园。”
摄影：梁碧玲、叶志明

黄荣璋提起前一晚为爸爸收拾遗物甚为感触，更一度哽咽：“同佢住咗咁耐，发觉佢钟意嘅嘢原来唔系好多，平时都好Casual、唔奢侈，我执完佢着嘅衫都谂会唔会唔够隆重，但佢就系钟意简单。”黄荣璋就为爸爸选择了常穿的一套西装作寿衣，他续指：“爸爸冇咩特别嘢要带走，佢本身都唔钟意啲贵重嘢，平时喺屋企最贵重可能系同我玩𠮶部游戏机，佢唯一留低畀我就系部游戏机，都系开心嘅回忆，所以我而家打机都想喊。”至于宗教仪式，黄荣璋指爸爸原本信奉道教：“不过爸爸临走前话想我哋安静啲、开心啲，所以喺灵堂或者设置上都唔想要啲仪式，大家鞠个躬就可以。”

黄树棠设灵︱纵横影视圈50年人缘极佳　古天乐、成龙送花圈致哀