蔡嘉欣自爆27岁生日收男友支票 “我啲生日礼物好现实”
撰文： 洪晓璇
出版：更新：
2019年参选港姐入行嘅蔡嘉欣身兼多重身份，本身已经系KOL，又有开时装店做老板娘，不时拍片同大家分享。喺佢IG不时发现名牌手袋、名车等，上年仲手揸40万现金去汇款被网友话佢炫富。4月27日系蔡嘉欣27岁生日，佢接受访问时又再自爆收生日厚礼，连拿督之女庄思敏听到都哗哗声。
蔡嘉欣喺IG晒大大札蓝色玫瑰，生日后为《姊妹淘》开工时，获一众拍档为佢以及5月生日嘅庄思敏送上蛋糕庆祝。蔡嘉欣接受访问时话：“呢个系我好难得收到一扎花，你知唔知点解？（高八度）系因为情人节呢《姊妹淘》啲Group个个喺度晒自己另一半送嘅花，劲夸张，跟住我咪畀我另一半睇……施压之后我就有花收喇！”
蓝色玫瑰一向属贵价花种，蔡嘉欣被问及男友仲有咩表示，佢嘅回应更令全场哗然：“无啦我啲生日礼物好现实，全部都系折现写张支票畀我（哗声四起），我年年都系咁样㗎㖞，都有5位数嘅。因为通常男朋友都买啲好奇怪嘅礼物，所以佢话不如我写张支票畀你自己去买啦。”蔡嘉欣回应时一脸平常，但身边嘅陈诗欣及庄思敏听到都哗哗声。
+25
+5
点击下图睇更多手袋收藏：
+11