缘来自咖啡2︱不忍钟嘉欣受委屈代出头　马浚伟：潮州人睇唔过眼

马浚伟亲自构思兼主持嘅节目《缘来自咖啡2》，话咁快来到最后一集，压轴嘉宾系同马仔情同兄妹嘅钟嘉欣。马仔喺圈中有三位特别疼爱嘅妹妹，佢话钟嘉欣系最令佢要关注嘅一个。

马浚伟话：“陈法拉和杨怡从来不用我担心，因为她们够坚强，懂得照顾自己，但嘉欣之所以令我既疼爱又担心，在于佢不太会保护自己，乜事都收收埋藏在心内，就算受到委屈面对不公，都唔够胆去为自己争取去拒绝他人。我04年认识嘉欣，见住佢入行、长大，同佢有一份特别嘅缘份，呢种缘份是亲密的，不能解释也不需要解释，睇到佢经常受委屈唔出声，若果我知道嘅就会尽力帮助佢，但假如佢选择沉默，我就唔系咁清楚了。我系潮州大哥，实在睇唔过眼人哋欺负我疼爱嘅人，一直鼓励佢大胆讲出嚟，使乜惊呢！”

两兄妹难得碰头有讲之不尽嘅话题，马仔发现已为人妻人母嘅嘉欣成熟咗坚强咗：“佢真系可以令我安心了。”而嘉欣亦好珍惜二人情谊：“我可以很放松自己，做回那个傻乎乎的嘉欣。这种感觉就是非常感恩，有一股不能解释的喜悦。入行10几年，仍能够跟阿哥保持这种关系，是上天赐给我的礼物。”