萧正楠呻TVB经常同一演员剧集连续播：好似全年好休闲咁

萧正楠（Edwin）今日（28日）以一身运动装出席剧集《爱美丽狂想曲》的宣传活动，透露自己平时私下喜欢与徐荣和一班明星足球队志同道合的波友踢波，一星期至少都会踢两三次足球，而且自己亦非常喜欢看足球球赛：“欧联、英超我都会睇，曼联以前系我嘅爱队嚟嘅，碧咸、史高斯𠮶啲年代已经钟意，但系近年（曼联）踢出嚟嘅嘢就唔系好系自己嘅谂法，点解踢到咁差又勉勉强强过到关攞到第二呢？所以我都少睇咗。”

阿萧笑言太太黄翠如与自己完全“唔啱channel”，对足球简直零兴趣：“完全冇兴趣！一揿咗就会突然自己弹开，所以我都会尽量迁就佢，最好就睇夜波啦，一点、两点、三点咁踢我自己起身睇都唔会搞到佢冇瘾！”他坦言自己平时会与翠如一起煲剧，各自的作品都会一同鉴赏，不过只要播到自己与其他女演员如陈滢的亲密镜头，他就表示自己不敢问翠如的意见。

TVB举办的《艺员训练班》面试吸引不少新人加入，阿萧坦言现时缺乏天生奸样的人才，希望可以有人演得像张家辉一样够奸够狠。对于现时不少人都批评“乐坛已死”、“电影圈已死”，作为电视圈的一份子，阿萧认为仍然有很多进步空间，例如可以有多点实景拍摄，以及多点不同的演员组合：“唔好成日都播完呢部剧下一部又系𠮶个演员演嘅一次过排晒出嚟，一个演员一年都系最多拍两三部剧，如果一次过播晒出嚟，个演员就好似全年好休闲咁。”

他亦认为现时TVB有不少场面都是于厂景拍摄，假如能够多点于实景拍摄应该效果会更加真实：“你有睇过出面啲戏，你见到好多嘢都唔系为咗摆设而摆设，而系根本就系摆成咁样，呢啲就真实，而且灯光亦会自然好多，我哋始终啲灯系上面打落嚟，就算点set都系有个掣肘，而实景就可以有好多自然光实在好多，睇嘅时候都会真实好多。”阿萧表示自己都有观看ViuTV的剧集，例如王贻兴于自编自导自演的《阳关道》：“啲题材系好新鲜，真系大胆好多，但系咪真系可以全部香港嘅观众接受到呢？我觉得又暂时未，要再tune下点样为之观众能够接受得嚟又会好前卫，我谂都仲要啲时间去摸索！”