蔡国威入行25年再报读TVB艺训班？“我真系有报名”
撰文： 洪晓璇
出版：更新：
TVB今日（14日）在将军澳电视城一厂举行《2021艺员及电视制作人员训练班》面试，吸引过千名面试者到场参加面试。通常都系有意参与幕前工作嘅素人参加，但呢日中午六合彩之子蔡国威，居然上载一张艺训班面试邀请信，引来大批好友留言问佢系咪拍《大整蛊》，威仔接受《香港01》访问时就话：“我系真系有报今年TVB艺员训练班﹗”
蔡国威上载一张4月28日艺训班面试截图，当《香港01》记者联络佢时，正喺电视城等待面试中，佢接受访问时解释原来系一场美丽误会：“其实真系一个小误会，我系真系有报今年TVB艺员训练班，因为最初我见到报名表，有写会有配音方面课程。因为平时我都有接啲旁白等工作，以为公司开配音班，本身谂住开多条路畀自己，以为读完可以做配音员。到收到EMAIL邀请信先知系艺训班中其中一样会教嘅嘢，成件事好似好蠢好傻咁。所以我都唔知IN完之后会点，私下有同工作人员讲系误会但佢地都叫我返嚟IN咗先。”
一路讲威仔自己都忍唔住笑出声，其实佢应该系想报《好声好气》但报错名，但佢都有好乖咁到场等候面试。对于曾志伟喺台上透露，将会将今届艺员训练班打造成一个真人骚：“好似《全民造星》咁！”蔡国威就话：“下系咩？真系要IN完了解成件事，其实我都唔知点解佢地一定要我返嚟IN，因为本身自己只想学配音。自己本身已经系艺员，身份有点奇怪，不过都返嚟了解一下先。”
+22
睇埋今日一班嘅“准艺人”：
+4