陈积荣癌细胞极速扩散 化疗成功率仅4成：个肺有一半白晒
撰文： 邝钰莹
出版：更新：
前无线艺员陈积荣（Jeff）去年8月患上第四期肺癌，由于医药费用庞大，他公开拍片发起众筹，希望可以得到市民支持。昨晚播出嘅《东张西望》上门拜访Jeff，只见他消瘦不少，他透露了今年3月时接受第一次化疗时，由于疫情关系，家人未必探望，令他感觉十分孤单：“医生同我讲，标靶药已经对我冇乜用，当时个肺有一半系白晒！所以要即刻做化疗，但成功机会唔高，佢同我讲得4成。除咗个肺花晒之外，癌细胞系极速扩散，包括膊头、手臂、肚位置都有肿瘤。呢段时间医院冇得探病，我第一次化疗系好辛苦，因为成日瞓喺医院，屋企人又见唔到，（佢哋）只能喺门口拎野畀你或FACETIME一阵。我𠮶时系好唔开心，复原得好慢，日日问医生几时走得。”提到家人无微不至照顾、朋友为自己打气时，Jeff不禁激动落泪：“以前唔会觉得家人可以咁样照顾你，原来屋企人嘅照顾系好重要同埋好有力量。”
访问当日，与Jeff系艺员训练班同学嘅孙慧雪、谢珊珊和邓永健亦有到场，孙慧雪指Jeff常常怕麻烦别人不敢开口，于是她决定出post为他筹款，Jeff表示：“我系好幸福，好多人帮忙，有人开名帮手，亦有好多暗地里嘅人帮我，好多我估唔到、一线艺人都有帮，真系打电话嚟慰问我，你估唔到突然间一个影帝打比你，系好感动，亦系好大鼓励。”虽然饱受癌病折磨，但Jeff对自己嘅演艺事业仍然充满热情，并希望自己康复后可以拍一套对得起自己嘅作品。
点选睇Jeff访问片段
+8