林作练拳被师姐揿住打超惨　扬言打残钟培生：不惜一切代价！

林作与钟培生的“百万林钟拳赛”已落实9月18日假九展Star Hall举行，两人正进行密集式训练加操。今日林作就特别邀请传媒到拳馆展示训苦练成果，期间林作更跟师姐上擂台对打，可惜全程挨打，状况颇惨烈。

林作接受《香港01》访问时，被问到刚才被师姐揿住嚟打，林作直言当食生菜，基本上每日都会这样做。至于惨唔惨烈都只是观点的问题，自己亦时预留实力，加上面对女士难免会有些尴尬。不过林作就表示：“你见到首先系打唔低我，唔好睇防守好重要，如果系纯碎挨打，头先嘅时间足以瞓低。识嘅话，睇落好似一面倒，咁样挨10分钟都可以冇嘢。”

问到首次接触拳击，自称学习能力高的林作可有尝试到挫败的滋味。他坦言起初很难适应，辛苦又吃力，更试过练拳练到呕，不过现时就愈练愈顺。林作指现时每日去拳馆训练都会至少练一课，有时状态好会一日练三课，再配合饮食增磅就事半功倍。

提到已报名5月1号参加人生第一场公开赛，林作表示信心十足，并希望以实战增强自己的能力。问到有冇信心打赢钟培生，林作扬言要打残对方：“我已经谂定打赢佢之后要讲啲乜嘢！”至于要用几多局打赢钟培生，林作坦言最紧要赢到：“负上不惜一切嘅代价！最紧要赢！”，至于有何说话要跟钟培生讲，林作直言：“我觉得我可以代入到佢心境，如果打得唔够劲，输咗嘅话，好Sorry啰。我担心佢啊！我亦都明白佢而家压力实大嘅，希望佢睇完我今日呢啲片段会放松少少，但系仲有四、五个月，睇住嚟啦！”