姜涛变坏了　嘟嘴斜望Polly胸部再钳实阿Dee“佢冇象㗎”

昨晚播出一集嘅《考有Feel》，有姜涛与江𤒹生（Anson Kong）及邱士缙（Stanley）对战193、阿Dee及罗沛琪（Pinky），被队友以“老鼠屎”形容嘅姜涛喺玩“究竟听咗乜”时，由于完全未瞓醒，激到Stanley大叫“你讲下嘢得唔得呀？”之后轮到姜涛以声音示范“微波炉”时，由于佢只系发出“de de”声，搞到AK都忍唔住问“你个关键去咗边?”

身为主持嘅小仪偏心偏出面，提示“有叮架㖞”才令姜涛恍然大悟，其后姜涛又要以声音做出“食奶嘴”比队友估，他最先嘟起嘴，令AK以为他在扮可爱。小仪等人叫姜涛扮用家时，佢多次望向身旁刘若宝（Polly）嘅胸口，搞到阿Dee及193等人拍烂手掌，而当AK与Stanley嗌出“食奶嘴”后，姜涛兴奋得拍手狂跳，小仪对于向来乖乖仔感觉嘅姜涛做出以上举动十分错愕，并谓：“头先见证姜B成魔之路，佢咁坏系因为呢个游戏而开始。”眼见全场人丧笑，姜涛亦掩嘴低头狂笑。

之后到“疯狂追声族”时，姜涛出场前已经表明“Dee哥交比”，到正式比赛时，完全将阿Dee当成目标，出动铰剪脚将阿Dee钳实，之后咬实大笨象，连阿Dee都忍唔住“痴线仔”又提议“一阵玩多铺”。到决胜局时，姜涛再次钳实阿Dee唔放，并大叫“阿Dee冇象㗎”。比赛时间结束后，姜涛与阿Dee喺角落再次失控，在地上扭在一团对打，阿Dee大叫：“我喺陆地遇溺呀！”非常好笑。